«Medıa-etıka jáne balalar quqyǵyn qorǵaý» dóńgelek ústel otyrysynyń qorytyndysy boıynsha usynymdar:
1. BUU Bas Assambleıasynyń 1989 jylǵy 20 qarashadaǵy qararymen qabyldanǵan «Bala quqyqtary týraly Konvensııanyń» Erejelerin basshylyqqa alý;
2. Memlekettik organdardyń, halyqaralyq uıymdardyń, qoǵamdyq birlestikterdiń jáne buqaralyq kommýnıkasııa quraldarynyń balalarmen baılanysty quqyqqa qaıshy jaǵdaılardy jarııalaý kontekstinde jurtshylyqtyń medıa-saýattylyǵyn arttyrý jónindegi kúsh-jigerin biriktirý;
3.1 «Qazaqstan Respýblıkasyndaǵy otbasylyq-turmystyq zorlyq-zombylyqqa qarsy is-qımyl týraly» Ulttyq baıandama sheńberinde BAQ-tyń balalarǵa qatysty zorlyq-zombylyqtyń aldyn alýdaǵy yqpaly taqyrybynda zertteý júrgizýdi kózdeý;
3.2 balalarǵa qatysty zorlyq-zombylyqtyń aldyn alý taqyrybynda semınar men trenıngter uıymdastyrý;
3.3 jýrnalısterge balalarǵa qatysty zorlyq-zombylyq jáne sýısıd faktilerin jarııa etý boıynsha halyqaralyq qujattardyń erejelerin jáne qalyptasqan tájirıbeni eskere otyryp nusqaýlyq ázirleý (balalardyń jeke derekterin jarııa etýge tyıym salý, shamadan tys egjeı-tegjeıdi jarııalamaý jáne t.b.);
3.4 balalarǵa baǵyttalǵan jáne balalardyń qatysýymen jasalǵan kontent ázirleý.
1. medıa-keńistikte bala quqyqtaryn qorǵaýdy kúsheıtýge baǵyttalǵan granttardy qarastyrý;
1. telearnalarda óndiriletin serıaldyq ónim sheńberinde Balalardyń quqyqtaryn qorǵaýǵa baǵyttalǵan taqyryptyq jelilerdi kózdeý;
2. buqaralyq aqparat quraldarynda arnaıy aıdarlar, bólimder ashyla otyryp, materıaldar (maqalalar, sıýjetter, derekti fılmder, beınerolıkter) sanyn ulǵaıtýdy qamtamasyz etý;
3. buqaralyq aqparat quraldaryndaǵy medıa-etıka jónindegi turaqty komıssııa qurý.
Osy usynymdardyń iske asyrylýyn baqylaý Aqparat jáne qoǵamdyq damý mınıstrligine júkteldi.
