Jańa saılanǵan depýtattardyń jumysy qoǵamdy ilgeriletýge baryn salyp, kem-ketiginiń túzelýine únemi ún qosýynan kórinedi. Prezıdenttiń el damýyna bastaıtyn reformalarynyń da múltiksiz júzege asýy osy depýtattardyń nazarynda bolýy kerek. Osylaısha, saıası ózgerister kezeńinde depýtattardyń, onyń ishinde máslıhat depýtattarynyń da salmaǵy arta túsedi. Munyń bir kórinisi retinde Memleket basshysy ótkizgen keńeske tikeleı qatysýymyz dep bilemin. Bul – halyqtyń bizge júktegen jaýapkershiligin odan saıyn sezine túsýimizge sep. О́z kezeginde eldi mekenderdegi máslıhat depýtattary óz óńiriniń máselelerine sergek qarap, ákimdiktermen tyǵyz baılanys ornatyp, alǵa jyljýǵa kúsh-jigerin salýy kerek. Prezıdent aıtqandaı, munyń bári memlekettik saıasatty tıimdi júzege asyrýǵa múmkindik beredi.
Keleli keńeste Memleket basshysy aıtqan basym baǵyttardy jumysymyzda udaıy basshylyqqa alamyz. Ásirese, qalalar men aýyl-aımaqtardyń abat kelbetin qalyptastyrýǵa shaqyrǵan oılary kóńilimizden shyqty. Rasynda, eldi mekenderdiń kórkeıýinen tutas elimizdiń bet-beınesi kórinedi. Sondyqtan ár aımaqtyń azamattary óz óńirin gúldendirýge erekshe múddeli bolǵany lázim. Bul máselege árbir jergilikti turǵyn sergek qaraýy kerek. О́ıtkeni aınalymyzdyń tazalyǵy aýlamyzdyń tazalyǵynan bastalady. Mysaly, jaqynda men jumys barysymen Qyzylorda óńirine baryp qaıttym. Ondaǵy eldi mekenderdi aralaǵanda árbir úıdiń aýlasyna deıingi tazalyǵyna erekshe tánti boldym. Arǵy jaǵyndaǵy Túrkistan óńirine barǵanymyzda da osyndaı kóriniske kýá boldym. Iаǵnı bul óńirdegi aǵaıynǵa eshkim kelip aınalasyn tazartýǵa shaqyrmaıdy, turǵyndarda sondaı tamasha mádenıet qalyptasqan. Dál osylaı elimizdiń barlyq azamaty ózi turyp jatqan jerdiń tazalyǵyna, kórkeıýine múddeli bolsa, úles qossa, baıtaq dalamyz qulpyryp shyǵa keledi.
Jalpy, Prezıdenttiń barlyq jerdegi ınfraqurylymdy damytýdy erekshe ekpin salyp aıtqany qýantady. Bul rette 2029 jylǵa deıingi Ulttyq ınfraqurylymdyq jospar túzý týraly sóz qozǵaldy. Sonymen qatar Memleket basshysynyń azamattar tarapynan jıi túsetin qańǵybas ıtterge qatysty ún qatqany da erekshe nazar aýdartty. Munyń prezıdenttik deńgeıdegi másele emes ekenin ózi de aıtty. Biraq, bul máseleniń usaq-túıegi bolmaıtynyn, barlyǵy turǵyndardyń, ásirese, balalardyń qaýipsizdigi úshin mańyzdy ekenin ańǵartady. Atalǵan jaǵdaıdyń rettelýin óz óńirimizde bizdiń nazarymyzda ustaımyz, zańdyq jaǵynan sheshýdiń tıimdi tustaryn jan-jaqty talqylaımyz.
Mine, osyndaı qadamdarmen Ádiletti Qazaqstannyń irgesi nyǵaıa túsedi. Qolǵa alynǵan jańa reformalardyń barlyǵy halyqtyń kútken úmitin aqtaıdy dep senemin.
Rashıd ÁBEÝOV,
Qaraǵandy oblysy Aqtoǵaı aýdany máslıhatynyń tóraǵasy
