Qazaq ónerpazdary «Adaı», «Kóróǵly», «Álqıssa» kúıleri men Oljas Súleımenovtyń «West» týyndysyn oryndady. Olar «Halyq aspaptary» nomınasııasy boıynsha top jaryp, halyqaralyq qazylar alqasynyń joǵary baǵasyna ıe boldy.
«Open Italy» aspapty oryndaýshylardyń halyqaralyq mýzyka baıqaýy jyl saıyn Italııa memleketiniń Pezaro qalasynda ótedi. Sharaǵa álemniń túkpir-túkpirinen aspapshylar shaqyrylǵan. Baıqaýǵa 24 elden úmitkerler qatysty.
Is-shara aıaqtalyp, qorytyndylar jarııalanǵannan keıin mindetti túrde qazylar alqasynyń ókilderimen dóńgelek ústel ótkiziledi. Aıta keteıik, baıqaý aıasynda sheberlik synyby da qarastyrylǵan.
Baıqaýdyń negizin qalaýshylar – Ispanııanyń «Fiestalonia Milenio» festıval komıteti, «Ad Arte» qaýymdastyǵy (Italııa) jáne bas keńsesi Londonda ornalasqan «Fiestalonia International» daryndy oryndaýshylardyń prodıýserlik ortalyǵy.
