Sınoptıkterdiń boljamyna qaraǵanda, mamyr aıynda Qazaqstannyń basym bóliginde jaýyn-shashyn normadan tómen, eldiń soltústiginde, shyǵysynda jáne ońtústik-shyǵysynda normaǵa jýyq bolady dep boljanyp otyr.
Jalpy, topyraqtyń kóktemgi sýlanýyn jáne naqty ylǵal qoryn eskergen sınoptıkter mamyr aıynda qurǵaqshylyq kútilmeıtinin alǵa tartty.
«Qazaqstannyń basym aımaǵynda ylǵaldaný jaǵdaıy kóbinese normaǵa jýyq bolady, al jeke aýdandarda ylǵaldaný jaǵdaıy ońtaıly bolady. Ońtaıly ylǵaldaný jaǵdaılary kóbinese Shyǵys Qazaqstan jáne Abaı oblystarynda: Tarbaǵataı, Kúrshim, Zyrıanovsk, Katonqaraǵaı, Shemonaıha, Borodýlıha, Jarma, Aıagóz, Kókpekti aýdandarynda jáne Semeı qalasynda, sondaı-aq Qostanaı oblysynyń Qarasý aýdanynda, Aqmola oblysynyń Atbasar, Egindikól jáne Astrahan aýdandarynda, Almaty oblysynyń Talǵar, Eńbekshiqazaq aýdandarynda jáne Almaty jáne Aqtóbe qalalarynda bolýy yqtımal», delingen «Qazgıdromet» habarlamasynda.
