Oblys boıynsha bıyl 28 495 túp aǵash egý josparlanǵan edi, al, naqty nátıje 135 myńǵa jýyqtady. Tek «Orman jáne janýarlar álemin qorǵaý jónindegi Jańaarqa sharýashylyǵy» KMM 4 gektar jerge 133320 aǵash egip tastady. Qalalar men aýdandarda da saıabaqtar men kóshelerdiń boıyna egilgen jas aǵashtar jańa kóktemniń lebin sezdirip tur.
– Bizde aǵash egýde min bolmaıdy. Biraq, sodan keıingi baptaýy, kútimine kelgende kúmiljip qalatynymyz bar. Aıtalyq, ótken jyly qaladaǵy qoǵam belsendileri ózimiz demeýshi taýyp, kóshetter satyp alyp, qaladaǵy saıabaqtarǵa ekken bolatynbyz. Sýǵarýmen aınylasatyn merdigerler anyqtalǵansha, sol ekken aǵashtardy ózimiz sýǵaryp júrdik. Merdiger anyqtalǵasyn, solarǵa tabystadyq. Aqyry ne boldy? Álgi merdigerdiń mindetin shala atqarýy saldarynan egilgen aǵashtyń jartysy qýrap qaldy. Sondyqtan aǵashty egýden buryn onyń kútimine qatań baqylaý jasamaı bolmaıdy, – deıdi jezqazǵandyq qoǵam belsendisi Marhat Hamıt.
Egiletin aǵash ta aspannan túse qalmaıdy, negizinen bıýdjet qarjysyna satyp alynady. Endeshe, árbir tamyranlanbaǵan nemese qýrap qalǵan aǵash ta halyq qarjysyn jelge ushyrý bolyp sanalady.
Ulytaý oblysy
