Elorda ákimdiginiń málimetinshe, «Jasyl Astana» dástúrli ekologııalyq aılyǵy 6 mamyrǵa deıin jalǵasady. Onyń aıasynda Astanada qalalyq qyzmetterdi, eńbek ujymdaryn jáne qalanyń belsendi turǵyndaryn jumyldyra otyryp, birneshe kommýnaldyq jáne jalpyqalalyq senbilik ótkiziledi.
Eske sala keteıik, ekologııalyq aılyq 8 sáýir kúni alǵashqy kóktemgi kommýnaldyq senbilikte ashylǵan. Eńbek ujymdarynyń, qala turǵyndarynyń kúshimen polıgonǵa 555,58 tonna qaldyq shyǵaryldy. Jalpy aýdany 2,5 mln sharshy metrden asatyn saıabaqtar men skverlerdi jınaý, aǵash otyrǵyzý júrgizildi. Is-sharaǵa aýdandyq ákimdikter, kommýnaldyq qyzmetter, PIK jáne MIB ujymdary, shaǵyn jáne orta bıznes sýbektileri belsendi qatysty.
Ekinshi kommýnaldyq senbilik 22 sáýir kúni ótti. Oǵan 3 203 adam, 222 kásiporyn men uıym qatysyp, 587 arnaıy tehnıka jumyldyryldy. Polıgonǵa 246,92 tonna qaldyq shyǵaryldy.
29 sáýirdegi senbilik kezinde uıymdar men kásiporyndardyń ujymdary óz aýmaǵynda aǵash otyrǵyzyp, qoqys jınaıdy, sondaı-aq sý aıdyndary mańyn tazartady.
