Ermurat Bápı óziniń depýtattyq saýalynda Úkimet shetelge shyǵarylǵan aktıvterdi memleketke qaıtarý máselesi boıynsha naqty is atqarmaı otyrǵanyn aıtty. Sondaı-aq ol keıbir ister jabyq kúıinde qalyp otyrǵanyn qosa aıtty. Depýtattyń aıtýynsha, atqarylyp jatqan jumystardyn mán-jaıy men nátıjeleri halyqqa mindetti túrde jarııalanýy kerek.
«Urlanǵan baılyqty qaıtarýdy jáne ekonomıkany el men halyqtyń áleýmettik qajettiligine jumyldyrýdy talap etken qantar oqıǵasy eski bıliktiń zardabynan paıda boldy. Shetelge shyǵarylǵan qarajatty halyqqa qaıtarý - kún tártibinde turǵan asa mańyzdy másele. Osy oraıda Prezıdenttiń bastamasymen arnaıy komıssııanyń qurylýy jáne Qasym-Jomart Toqaevtyń atalǵan aktıvterdi qaıtarýdy kózdeıtin zań shyǵarý ýádesi el azamattaryna biraz senim uıalatty. Biraq komıssııa tarapynan naqty áreket kórinbeıdi», dedi depýtat.
Sondaı-aq depýtat Prezıdent tapsyrǵan zań jobasyn ázirleý jumystary tym sozylyp ketkenin aıtty. Osy tusta ol urlanǵan aktıvterdi qaıtarý týraly zańdy birinshi kezekte qabyldaý qajet ekenin atap ótti.
«Biz halyqtyń kómegimen sizderdi jiti baqylaıtyn bolamyz. Bul máselede biz Prezıdenttiń bastamasymen odaqtasbyz nemese bul iste Prezıdent bizge, depýtattarǵa, tolyqtaı arqa súıeı alady», dedi Ermurat Bápı.
