Endi «Dronekazakhstan» arnasy ushqyshsyz ushý apparat ıelerine elimizdegi áýe keńistigin paıdalaný boıynsha keńes berip, tıisti zań máselelerine baılanysty járdem kórsetedi. Sondaı-aq salalyq normatıvtik aktilerdegi ózgerister men ushý jónindegi shekteýler týraly habardar etip otyrady. Telegram-daǵy arnany Indýstrııa jáne ınfraqurylymdyq damý mınıstrliginiń Azamattyq avıasııa komıteti elimizdegi avıasııa ákimshiligimen birlesip ashqan.
«Dronekazakhstan» ushqyshsyz ushý apparatyn qoldanyp júrgen barlyq azamatqa paıdaly bolmaq. О́ıtkeni munda qajetti málimetter men túsiniktemeler, sondaı-aq osy apparattardyń qoldanylýyn retteıtin normatıvtik-quqyqtyq aktilerdegi ózgerister týraly aqparat jarııalanady. Budan bólek, elimizdiń avıasııalyq bılik oryndary bul arqyly dron ıelerin ushýǵa tyıym salynǵan aımaqtar boıynsha úılestirip, óńirlerde ótetin aýqymdy is-sharalardyń josparyna baılanysty ýaqytsha shekteýlerdi qulaǵdar etedi. Ushqyshsyz ushý apparatyn qoldanatyn azamattar arnaǵa ózderin tolǵandyrǵan suraqtardy joldap, quzyrly organdar tarapynan jaýap alady.
«Biz atalǵan arnany ushqyshsyz ushý apparatymen jumys isteıtin jeke jáne zańdy tulǵalarmen ózara is-qımyl jasaý úshin quryp otyrmyz. О́zekti máselelerdi ashyq talqylaýǵa daıynbyz. Munda barlyq suraqty qoıýǵa bolady. Oǵan Azamattyq avıasııa komıteti men elimizdegi avıasııa ákimshiliginiń qyzmetkerleri jaýap berýge daıyn», deıdi arna avtorlary.
Sondaı-aq joba jetekshileri jańa arnanyń jumysynda qandaı da bir kemshilikter týyndaǵan jaǵdaıda oǵan túsinistikpen qaraýǵa shaqyrdy. Qazirdiń ózinde atalǵan arnada ushýǵa tyıym salynǵan aımaqtardyń tizimi, ushqyshsyz ushý apparatyn elimizdiń áýe keńistiginde paıdalanýdy rettep, esepke qoıý men normatıvtik quqyqtyq aktilerge qatysty erejeler ornalastyrylǵan. Sonymen qatar maqsatty aýdıtorııaǵa «Qazaeronavıgasııa» saıtyn paıdalana otyryp, ınternet pen v3.0 telefon baılanysy arqyly ushý josparlaryn usynýdyń tártibi túsindirildi.
