«Jyl basynan beri Jambyl oblysynda 220 jol-kólik oqıǵasy tirkeldi, saldarynan 31 adam qaza taýyp, 300-den astam jolaýshy túrli dárejede jaraqat alǵan. Statıstıkaǵa júginsek, jol apatynan bolǵan qaıǵyly jaǵdaılardyń 99 paıyzyna júrgizýshilerdiń kináli ekeni belgili bolyp otyr. Budan bólek mas kúıinde kólik tizgindegen júrgizýshilerdiń kinásinen bolǵan jol-kólik oqıǵalarynyń 16,7 paıyzǵa artqany anyqtaldy. Qysqasy, burynǵylardyń qateliginen búgingiler sabaq almaı otyr», deıdi oblystyq polısııa departamentiniń bastyǵy, polısııa general-maıory Armanbek Baımýrzın.
О́tken jyldyń alǵashqy jartysynda ishimdik iship kólik tizgindegen 396 azamat anyqtalsa, joldyń qarsy baǵytyna shyǵyp ketken 112 turǵynnyń kólik júrgizý quqyǵy shektelgen. Al kólikti mas kúıinde qaıtadan qaımyqpaı basqarǵan 21 júrgizýshiniń qatelikten sabaq shyǵarmaǵany jaǵa ustatqan edi.
«Jol-kólik oqıǵalarynyń sanyn – 17, qaza tapqandardyń sanyn – 26,2, al zardap shekkenderdiń sanyn 22,8 paıyzǵa tómendete alǵanymyzǵa qaramastan, qaza tapqandardyń sany 31 adamǵa jetkeni kimdi de bolsyn oılandyrmaı qoımaıtyny anyq. Kisi shyǵyny árbir otbasy úshin orny tolmas qaıǵy ekenin kólik júrgizýshileri qaperde ustasa degen tilek bar. Avtokólik tizgindegen árbir azamat kúre joldyń boıynda erejeni saqtasa deımiz ǵoı. Alaıda nátıje biz kútkendeı bolmaı tur», deıdi polısııa departamentiniń bastyǵy.
Departament basshysy keltirgen derekterge sensek, jol-kólik oqıǵalarynyń basym bóligi kólik júrgizýshileriniń jol qozǵalysy erejesin sanaly túrde saqtamaýynan bolady eken. Naqtyraq aıtar bolsaq, avtokólik tizgindegen azamattardyń deni jyldamdyq rejimin asyrýǵa kelgende aldyna jan salmaıdy, manevr jasaý erejelerine pysqyryp ta qaramaıdy. Sondaı-aq jol belgilerine nazar aýdarmaıdy, jaıaý júrginshiler ótkelderinen quıǵytyp óte shyǵady. Sonyń saldarynan qaıǵyly jaǵdaılar jıi tirkeledi.
О́kinishtisi sol, ótken jyldyń esepti kezeńimen salystyrǵanda jolda oryn alǵan apattar saldarynan baqıǵa attanǵan balalardyń sany tórt esege artyp otyr. Jyldyń basyndaǵy statıstıka osylaı dep saırap tursa, jyl jabylar tustaǵy derek týraly oılaýdyń ózi qorqynyshty.
«Jalpy, kóptegen jol-kólik oqıǵasynyń artynda bala ómiri turǵanyn óńir turǵyndary eskere bermeıtin sııaqty. Jasópirimniń taǵdyryna bárimiz jaýapty ekenimizdi umytpaýymyz kerek. О́ıtkeni búgingi bala – elimizdiń erteńi, bolashaǵy. Jyl basynan beri tirkelgen jol-kólik oqıǵalary kezinde qaza tapqan balalardyń eshqaısysy kólikte arnaıy ustaý qurylǵysymen qamtylmaǵan. Ata-analar kóbinese avtokólik oryndyǵyn satyp alýdy keıinge qaldyrady, biraq bul balanyń ómirinen nemese densaýlyǵynan qymbat emes ekenin este ustaǵan jón. Qoǵam osyny der kezinde túsinse eken», deıdi A.Baımýrzın.
Qalaı desek te qara jol qatelikti keshirmeıtini aıdan anyq. Al sońy qaıǵyly jaǵdaımen aıaqtalatyn jol-kólik oqıǵalarynyń basym bóligi kúre joldyń boıynda tirkeledi. Qysqasy, avtodálizde kólikti jelmen jarysqandaı basqaratyn azamattarǵa es kirmeıinshe, qaıǵydan qara jamylǵandardyń statıstıkasy eskirmeıtini, anyǵyraq aıtsaq, jaqsy jaǵyna qaraı ózgere qoımaıtyny anyq.
Jambyl oblysy
