Ulttyq komıssııanyń otyrysyna sarapshylar qoǵamdastyǵynyń ókilderi, óńirler ákimderiniń orynbasarlary, ortalyq memlekettik organdardyń basshylary qatysty.
Otyrysty ashqan Ulttyq komıssııa tóraǵasy, Qazaqstan Prezıdenti Ákimshiligi basshysynyń orynbasary Aıda Balaeva: «Áıelder jumyssyzdyǵy – problemasy qoǵamnyń áleýmettik damýynyń eń sezimtal kórsetkishi. Máseleni sheshý profılaktıkalyq sharalar keshenin qalyptastyrýdyń jańa tásilderin izdeýdi, sondaı-aq jumyspen qamtýǵa baǵyttalǵan ýákiletti organdardyń is-áreketterindegi problemalardy anyqtaýdy jáne sheshýdi talap etedi», dep atap ótti.
Ulttyq komıssııanyń saraptamalyq toby bul máseleni egjeı-tegjeıli zerdelep, áıelder arasyndaǵy jumyssyzdyqty eńserý boıynsha naqty aldyn alý sharalaryn qabyldaý úshin eń aldymen salalar men óńirler bólinisinde genderlik alshaqtyq (áıelder atqaratyn jumys oryndarynyń úlesi) boıynsha taldaý qajet degen qorytyndyǵa keldi.
JOO men TjKB túlekterin jumysqa ornalastyrý boıynsha derekter, genderlik aspekt pen óńirler bólinisinde NEET sanatyndaǵy jastar boıynsha kórsetkishter áıelder jumyssyzdyǵyna qarsy kúres salasynda táýekelderdiń aldyn alý boıynsha ýaqtyly jáne naqty aldyn alý sharalaryn qabyldaýǵa yqpal etedi.
Áıelderdi jumyspen qamtýdyń aǵymdaǵy jaǵdaıy týraly Eńbek jáne halyqty áleýmettik qorǵaý mınıstri T.Dúısenova sóz sóıledi. Mınıstr «Halyqty jumyspen qamtý týraly» Zańǵa sáıkes memleket kemsitýshiliktiń kez kelgen túrinen qorǵaýǵa jáne kásip pen jumys alý múmkindikteriniń teńdigine, jumyspen qamtý jáne eńbek jaǵdaılaryn tańdaýǵa negizdelgen halyqty jumyspen qamtýǵa járdemdesý sharalaryn qamtamasyz etedi», – dep atap ótti.
Qazirgi ýaqytta halyqty jumyspen qamtý «2021-2025 jyldarǵa arnalǵan kásipkerlikti damytý jónindegi ulttyq jobasy» sheńberinde iske asyrylady.
Memleket qabyldaıtyn sharalardyń keń aýqymyna qaramastan, elimizde áıelder jumyssyzdyǵynyń deńgeıi joǵary bolyp otyr. Máselen, 2022 jyldyń 4 toqsanynyń qorytyndysy boıynsha 5,5%-dy (elimiz boıynsha – 4,8%) qurady. Áıelder jumyssyzdyǵynyń eń joǵary deńgeıi Mańǵystaý oblysynda – 7,0%, Abaı oblysynda – 6,8%, Túrkistan oblysynda – 6,7%, Jetisý oblysynda 6,5% baıqalady.
Ulttyq komıssııa sarapshylary áıelderdiń jumyspen qamtylýyn baǵalaý úshin dınamıkadaǵy kórsetkishterdiń tizbesin daıyndady, olar óńirler bólinisinde áıelder jumyssyzdyǵynyń jalpy kórinisin kórýge kómektesedi jáne áıelderdi jumyspen qamtý boıynsha naqty sharalar qabyldaýǵa múmkindik beredi.
Ulttyq komıssııa áıelderdiń tabysy men jumyssyzdyǵy boıynsha genderlik alshaqtyqty zerdelep, Astana hab-pen birlesip áıelderge frılanserlik platformalarda aqsha tabýǵa kómektesetin baǵdarlamany iske qosýdy usynady. Bul bastama áıelderge ıkemdi tabys kózin qamtamasyz etýge jáne olardyń qarjylyq táýelsizdigin ilgeriletýge múmkindik beredi.
Baǵdarlamany Ulttyq komıssııa múshesi, Astana Hub halyqaralyq tehnoparkiniń basqarýshy dırektory A.Ábdirahmanova tanystyrdy.
Otyrys qorytyndysy boıynsha Ulttyq komıssııa tóraǵasy A.Balaeva memlekettik organdarǵa birqatar tapsyrma berdi.
