Ortalyq kommýnıkasııalar qyzmetinde ótken brıfıng barysynda Ekologııa jáne tabıǵı resýrstar mınıstrligine qarasty Sý resýrstary komıteti tóraǵasynyń orynbasary Maqsat Aıashev ózen sýynyń azaıý sıkli áli de jalǵasyp jatqanyn málim etti.
«Sýdy paıdalanýshylar arasynda, aımaqtar arasynda durys bólý, sol arqyly tyǵyryqtan shyǵýdyń joldaryn qarastyrý sharalary júrgizilýde. Soǵan qaramastan sý tapshylyǵyna baılanysty qaýip áli de seıilgen joq. Bul rette ońtústik óńirler sý tapshylyǵyna beıim bolyp keletinin aıta ketý kerek. Sondaı-aq qurǵaqshylyq pen sý tapshylyǵyna baılanysty batys óńirleri de erekshe baqylaýǵa alyndy», dedi Maqsat Aıashev.
Onyń aıtýynsha, eldiń qalǵan aımaqtary sý tapshylyǵyna beıim emes. Dese de, qazirdiń ózinde Ortalyq Qazaqstanda sýdyń azdyǵy baıqalyp jatyr. Máselen, buryn sýy tolyp jatqan Nura sııaqty ózender qazir taıazdanyp barady.
