Áńgimelesý barysynda taraptar aýyl sharýashylyǵy salasyndaǵy qazaqstandyq-shved ózara is-qımylynyń jaı-kúıi men damý baǵyttaryn, agroónerkásiptik keshen salasyndaǵy ózara is-qımyl jónindegi birqatar máseleni talqylady.
Qazaqstan elshisi shved áriptesine elimizdegi agroónerkásiptik keshendi damytý tujyrymdamasy týraly aıtyp, osy sektordy damytýdyń basym baǵyttaryn, sondaı-aq salanynyń memlekettik qoldaý sharalary jáne qazaqstandyq aýyl sharýashylyǵynyń ınvestısııalyq tartymdylyǵy týraly aqparatpen bólisti. Taraptar jer jáne sý resýrstaryn paıdalanýdyń tıimdiligin arttyrý, ótim naryqtarynyń qoljetimdiligi, sondaı-aq eksport pen agrarlyq ǵylymdy damytý, tehnologııalar transferti máseleleri jaıynda pikir almasty.
Kezdesý qorytyndysy boıynsha taraptar ekijaqty qatynastardy sapaly jańa deńgeıge shyǵarý maqsatynda tyǵyz ózara is-qımyl jasaýǵa kelisip, sondaı-aq ózara ekijaqty issaparlardy júzege asyrýǵa ýaǵdalasty.
