Qazirgi ýaqytta elordada onǵa jýyq kóshe ýchaskesine jóndeý jumysy júrip jatyr. Olardyń qatarynda Panfılov, Kenjın kósheleri, Jeńis dańǵyly, Jumbaqtas tuıyq kóshesi jáne basqalary bar.
Munda qozǵalys ishinara nemese tolyǵymen shektelgen.
Aıta ketý kerek, 2023 jyly jalpy uzyndyǵy 54,3 km bolatyn 72 kóshege ortasha jóndeý júrgizý josparlanyp otyr, onyń 44-i uzyndyǵy 40 km bolatyn ortalyq kósheler, 28-i qalanyń eldi mekenderinde ornalasqan.
Máselen, Ál-Farabı dańǵyly Alash kópirinen Pýshkın kóshesine deıin, Ýálıhanov kóshesi Bógenbaı batyr dańǵylynan Kravsov kóshesine deıin, Sh.Qudaıberdiuly dańǵyly Mustafın kóshesinen Qoshqarbaev dańǵylyna deıin, «Tulpar» kópiri, Turan dańǵyly Qorǵaljyn kóshesinen Saraıshyq kóshesine deıin jáne t.b. ýchaskede jóndeý júrgiziledi.
Sonymen qatar bıyl elordada uzyndyǵy 13 km bolatyn 31 kóshe salynady, tórt kóshe boıynsha jumys tolyq kólemde aıaqtalady, 19 kóshe boıynsha jalǵasady, taǵy segizi endi bastalady.
