Ispanııadaǵy dodanyń alǵashqy kezdesýin Qazaqstannyń birinshi, álemniń 55-raketkasy dúnıejúzilik reıtıngte 100-orynda turǵan kolýmbııalyq Danıel Elaı Galanmen ótkizip, úsh setke jalǵasqan tartysty matchta 2:1 esebimen jeńiske jetti. Kezdesýdiń birinshi partııasy bir saǵattan astam ýaqytqa sozylyp, tennısshiler 12 geımnen keıin teń tústi – 6:6. Sóıtip, alǵashqy kezeńniń máselesi taı-brekte sheshildi. Onda Býblık besinshi setbolyn tıimdi paıdalanyp, birinshi partııany óz paıdasyna jazdy – 7:6 (17:15). Bul – osy maýsymdaǵy eń uzaqqa sozylǵan taı-breık boldy.
Ekinshi sette de tennısshiler saýatty oınap, match taǵy da taı-breıkke deıin jalǵasty. Bul joly kolýmbııalyq sportshynyń baǵy janyp, tarazy basyn teńestirdi – 7:6 (7:4). Al úshinshi, sheshýshi partııada Býblık eki breık jasap, jeńisti julyp aldy – 6:4. Endi otandasymyz búginge josparlanǵan týrnırdiń ekinshi aınalymynda álemniń 7-raketkasy danııalyq Holger Rýnemen kezdesedi.
Sondaı-aq keshe Elena Rybakınanyń ekinshi aınalymdaǵy qarsylasy belgili boldy. Jerlesimiz bul kezeńde reseılik Anna Kalınskaıamen sheberlik baıqasady.
