Qazynashylyqtaǵy minsiz qyzmet

Elordalyq Qazynashylyq departa­mentiniń qyzmetkerlerine bıýdjettiń barlyq baptary men Astana qalasynyń aýmaǵynda ornalasqan barlyq memle­kettik mekemelerdiń, sondaı-aq kvazı­mem­lekettik sektor sýbektileriniń, qa­zynashylyq súıemeldeý sheńberinde memlekettik satyp alý sýbektileriniń jáne qarjylyq nemese qarjylyq emes qoldaý operatorynyń qatań qarjylyq tártibi boıynsha qatań únemdeý sheń­berinde bıýdjet qarajatynyń maqsatty paıdalanylýyn tıimdi baqylaý boıyn­sha úlken jaýapkershilik júkteledi. Osylaısha, tájirıbeli qyzmetkerlerdiń qarjylyq qujattardy qabyldaýynyń birinshi kezeńinde, al bul qazynashylyq organdarynda bir jyldan astam jumys isteıtin qarjygerler men ekonomıster, bıýdjettik baǵdarlamalardyń iske asyrylýy, olardyń memlekettik bıýdjetti odan ári atqarý úshin bıýdjet zańnamasynyń baptaryna sáıkestigi qazynashylyq tetigi arqyly qatań túrde qaralady. Bul – qazirgi ýaqytta túsimder men shyǵystar týraly kúndelikti aqpa­ratqa jedel túrde qoljetkizýge múm­kindik beredi. Kiristerdiń túrleri jáne shyǵystardyń barlyq sanattary boıynsha respýblıkalyq jáne jergilikti bıýdjetterdiń, olardy tıimdi basqarý maqsatynda qarjy resýrstaryn ortalyq­tandyrý, baǵdarlama ákimshilerin basqarý sheshimderin qabyldaý úshin qajetti aqparatpen ýaqtyly qamtamasyz etý mańyzdy.

Bıýdjetti atqarýdyń qazynashylyq tetigi búginde memlekettik baǵdarlama­lardy qarjylandyrý boıynsha jedel iske asyrý salasynda úzdik nátıjelerge qol jetkizýge múmkindik beredi. Bul baǵytta respýblıkalyq jáne jergilikti bıýdjetterdiń atqarylýyn, jergilikti atqarýshy jáne ýákiletti organdardyń bıýdjet júıesiniń negizgi qaǵıdattaryn: bıýdjet túsimderin qaıta bólý arqyly bıýdjetterdiń ózara is-qımylyna negiz­delgen jáne biryńǵaı normatıvtik quqyqtyq bazamen qamtamasyz etiletin bıýdjetterdiń barlyq deńgeıleriniń birligin, tolyqtyǵyn, shynaıylyǵyn, transparenttiligin, jaýapkershiligi men derbestigin saqtaýyn qamtamasyz etýde Qazynashylyq departamentiniń memlekettik qyzmetshileri mańyzdy ról atqarýda. Atap aıtqanda, bıýdjet qarajatynyń maqsatty paıdalanylýyna aldyn ala jáne aǵymdaǵy baqylaýdy, ıaǵnı memlekettiń qarjylyq múddelerin túbegeıli júzege asyrady.

Búgingi tańda Qazynashylyqtyń ıntegra­sııalanǵan aqparattyq júıesi naqty ýaqyt rejiminde bıýdjet qara­ja­tyn ýaqtyly, sapaly jáne tolyq ıgerýge múmkindik beredi. Bul tek qazy­nashylyq qyzmetkerleriniń quzyrettiligi men jedeldigine ǵana emes, sonymen qatar memlekettik mekemelerdiń esep qyz­metkerlerine de baılanysty. Ádet­te, bul másele bilimdi, saýatty mamandar bolmaǵan jaǵdaıda normatıvtik qujattardy bilmeýge, qujattardy rá­simdeý máselelerin nashar meńgerýge, bos qorlardyń qaldyqtary boıynsha jet­kiliktiligin baqylaý bolmaǵanda jáne usynylǵan qujattardy uqypsyz rá­simdeýge, bul qujattardy pysyqtaýǵa qaı­tarýǵa ákep soǵady. Osyǵan baılanysty Qazynashylyq departamenti toqsan saıyn bıýdjettik baǵdarlamalar ákimshilerimen jáne memlekettik mekemelermen bıýdjet zańnamasyna jańa ózgerister men tolyqtyrýlardy tú­sindirý boıynsha ózara tájirıbe almasý maqsatynda semınarlar ótkize­di. Qazynashylyq qyzmetinde úzdik nátı­jelerge qol jetkizý úshin kórsetkishter bo­ıynsha toqsan saıyn qyzmetti reı­tıngtik baǵalaý engizilgen.

Qazynashylyq jumysynyń sapaly jáne ýaqtyly júrgizýdiń oń nátıjesi sybaılas jemqorlyq kórinisterin joıýdyń profılaktıkasy boıynsha kúsheıtilgen jumystyń arqasynda, ıaǵnı «Qa­zynashylyq-klıent» aqparattyq júıesin engizý arqyly qol jetkiziledi. Bul qazynashylyq qyzmetkerleriniń klıenttermen baılanysyn barynsha azaıtýǵa jáne tipti ózara baılanysty boldyrmaýǵa múmkindik berdi. Júıe bıýdjet qarajatyn naqty ýaqyty rejiminde aýdarýdy júzege asyrady, olardyń maq­satty jumsalýyn qadaǵalaıdy.

Búginde departamentte «Qazyna­shy­lyq-klıent» aqparattyq júıesi ar­qyly res­pýblıkalyq jáne jergilikti bıýd­jet­terden qarjylandyrylatyn 313 mem­le­kettik mekemege, 86 kvazı­mem­le­kettik sektor sýbektisine, qazy­na­shylyq súıe­mel­deý sheńberinde 190 Mem­lekettik satyp alý sýbektisine, 3 qar­jylyq jáne qar­jy­lyq emes qoldaý op­era­toryna qyzmet kór­setiledi.

Sybaılas jemqorlyq buzýshylyq­tarynyń aldyn alý jáne oǵan jol bermeý jónindegi profılaktıkalyq jumys­tardyń tıimdiligin arttyrý maqsatynda memlekettik qyzmetshilerdiń sybaılas jemqorlyqqa qarsy kózqarasyn odan ári qalyptastyrý jáne damytý úshin Astana qalasy boıynsha Qazynashylyq departamenti Sybaılas jemqorlyqqa qarsy is-qımyldyń 2021-2023 jyldarǵa arnalǵan is-sharalar josparyn bekitti. Sonymen qatar Memleket basshysynyń syndarly saıasatynyń arqasynda Qazaq­standa barlyq memlekettik organdarda, atap aıtsaq, Astana qalasy boıynsha Qazynashylyq departamentinde sybaılas jemqorlyqpen kúres jumys baǵytynyń negizgi basymdylyǵy bolyp tabylatyn jemqorlyqqa qarsy is-áreket boıynsha maqsatty, josparǵa saı júıelik sharalar qabyldanyp, oryndalýda. Jemqorlyq quqyq buzýshylyqtardy boldyrmaý maqsatynda memlekettik qyzmet jáne jem­qorlyqqa qarsy is-áreket týraly zańnamalardy túsindirý, sybaılas jemqorlyqtyń aldyn-alý is-sharalary taqyrybynda dárister men semınarlar josparǵa saı únemi ótkiziledi.

Jyl saıynǵy qazynashylyq organdary arqyly qarjylyq qujattardyń orasan zor aǵyny, ıaǵnı naqtyly aqshalaı qarajattyń «kóshkini» ótetindigin eskersek, bıýdjettiń nysanaly ári tıimdi qoldanylýyn baqylaýdy basty nazarda ustaı otyryp, bıýdjetti atqarýda osynaý súbeli jumysty abyroıly ári adal atqarý qazynashylyq qyzmetkerleriniń el ekonomıkasyna qosqan orasan zor úlesi ekeni belgili.

Negizdelgen strategııasy bar bizdiń qazynashylyq júıe udaıy damý ústinde, sondyqtan osy alǵa qoıǵan maqsatqa baǵyttalǵan eńbektiń tıimdiligi tikeleı bıýdjetti atqaratyn adamdarǵa – qazyna­shylyq qyzmetkerlerine baılanysty ekeni barlyǵymyzǵa aıan.

 «Biz, óz mamandyǵy boıynsha eń­bek etip júrgen adamnyń kez kel­geni, eliniń gúldenip kórkeıýine ózindik úles qosýdy qalaımyz. Eldiń damýy árbir azamattyń eńbek etýine, otanshyl­dy­ǵyna baılanysty. Osy úshin bárimiz barymyzdy salyp júrmiz» degen pikirdegi qazynashylarymyzdyń qyzmeti babynda ne istese de halyq múddesi úshin atqaratyn, el bolashaǵyn bárinen ústem kóretin, sanaly da bilikti, kásibı mamanda­rymyzdyń Qazaqstannyń gúldenip kór­keıýine qaltqysyz eńbegimen áli de ba­ǵyndyrar asýlary mol, ári bıik shyńdar men mejelerden kórinetini sózsiz.

Elordalyq Qazynashylyq departa­menti jemqorlyqtyń aldyn alý jáne onyń kórinisterimen kúresýge, sybaılas jemqorlyqqa qarsy tártipti kúsheıtýge jáne óz qyzmetinde tártipti nyǵaıtýǵa baǵyttalǵan Prezıdent júktegen mindet­terdi oryndaý jolynda aldaǵy ýaqytta da qarqyndy jumys atqaratyn bolady.

Gúljan О́nerbekova,

Qarjy mınıstrligi Qazynashylyq komıteti Astana qalasy Qazynashylyq departamentiniń basshysy