Kún saıyn, saǵat, tipti mınýt saıyn jedel ózgeriske túsip jatqan jahandaný zamanynda, órkendeý men uly ózgeristerge toly zamanda bizdiń turaqtylyǵymyzǵa, kelisimimizge syzatyn túsirýi múmkin daý-damaılar, qaqtyǵystar bolmaýǵa tıis.
Syrtqy qaterlerge bizdiń jaýabymyz – etnosaralyq tatýlyq, qoǵam tynyshtyǵy jáne toleranttylyq. Sol arqyly biz beıbit ómirdi jalǵastyramyz. О́ıtkeni tózimdilik bar jerde ǵana órkenıetti qoǵam damıdy. Toleranttylyq gúldengen elde árbir azamat ultyna, tiline, dinine qaramaı ózin erkin, qaýipsiz, baqytty sezinedi.
Biz Shymkent qalasynda memlekettik etnosaralyq saıasatty nasıhattaıtyn aqparattyq toptardy qurdyq. Olardyń quramyna memlekettik qyzmetkerler, etnomádenı birlestikterdiń tóraǵalary, ustazdar, jastar ókilderi kirdi. Olar halyq arasynda toleranttylyqty, ultaralyq kelisimdi túsindirip júr. Bizdiń óńirde qolǵa alynǵan osynaý izgi ister elimizdiń basqa da aımaqtarynda jalǵasyn tapsa, nur ústine nur bolar edi. Biz elimizdiń egemendigin nyǵaıtýǵa, ultaralyq jáne konfessııaaralyq kelisimdi saqtaýǵa naqty úlesimizdi qosa beremiz.
Shahlo NARALIEVA,
О́zbek etnomádenı birlestikteri «Dýstlık» qaýymdastyǵy tóraǵasynyń bilim jáne ǵylym jumystary jónindegi orynbasary
