Qazaqtar óz jerinde koreılerdi janashyrlyqpen qabyldady. Sol qıyn jyldary kómek pen qoldaý kórsetti. Al koreıler qazaq halqynyń qonaqjaılylyǵyn umytqan joq. Biz bárimiz tonnyń ishki baýyndaı birge ómir súrip kelemiz jáne biz etnostyq tegimizge qaramastan birtutas halyqpyz.
El táýelsizdiginiń alǵashqy jyldarynda etnosaralyq saıasatty qurýdyń ońtaıly formýlasy iske asyryldy. Ol – Qazaqstan halqy Assambleıasy shańyraǵy astyna biriktirilgen ulttyq mádenı birlestikter bolatyn. Túptep kelgende, bul – elimizdiń tabysty damýyna negizdelgen «birligimiz ár alýandyqta» qaǵıdatynyń kórinisi edi.
Keńes odaǵy ydyraǵannan keıin postkeńestik respýblıkalardyń barlyǵy derlik etnosaralyq qatynastardyń progressıvti baǵytyn ustandy jáne etnostardyń, tilder men mádenıetterdiń teńdigin óz konstıtýsııalarynda jarııalady. Biraq keıin kórgenimizdeı, mundaı deklarasııalardy iske asyrýdyń tıimdi tetikteri jasalmady, sondyqtan da etnosaralyq qaqtyǵystar týyndady. Qazaqstan buǵan jol bermedi, bizde turaqtylyq tetigi Qazaqstan halqy Assambleıasy boldy. Osynyń arqasynda bizdiń elimizdegi etnosaralyq kelisim saıasaty shynymen de tıimdi bolyp shyqty.
Andreı ShIN,
Almatydaǵy koreı ulttyq ortalyǵynyń tóraǵasy,
«Shın-Laın» kompanııalar tobynyń prezıdenti
