Alqaly jıynda Memleket basshysy el táýelsizdigi men aýmaqtyq tutastyq bárinen qymbat ekenin taǵy da eske salyp ótti. «El birligi osy myzǵymas qundylyqtarmen qatar turýǵa tıis. Sonda ǵana bolashaǵymyz baıandy bolady. Tatýlyq pen kelisim tek memlekettik saıasatta emes, qoǵamda, úıde, ujymda, jalpy, barlyq jerde dáriptelýi qajet», degen Prezıdent sózderi jalań uran emes, ár azamattyń kúndelikti ustanymy bolýy kerek.
Qazaqstan halqyna ortaq ulttyq qundylyqty qalyptastyrý úshin ortaq til qajet. Sondyqtan Assambleıa músheleri memlekettik tildiń qoldanys aıasyn keńeıtýge atsalysyp jatyr. О́ıtkeni tili birdiń – dili bir. Osy baǵytta Assambleıa jastarynyń oıǵa alǵan jobalary bar.
Máselen, biz debat túrinde jarys ótkizýdi oılastyryp qoıdyq. Jarys tolyǵymen qazaq tilinde ótkiziledi. Qazir «Assambleıa jastary» RQB uıymdastyrýymen tuńǵysh qazaq tiliniń aýlalyq «Úıde sóıle» jobasy endi. Onyń maqsaty – qazaq tilin oqytý men qoldanýǵa, sondaı-aq, etnosaralyq qarym-qatynas tili retinde damytýǵa keń múmkindikter jasaý. Osy oraıda jastar úıden alystamaı qazaq tilin qyzyqty formatta qoldanady. Endi bul bastamanyń aıasyn keńeıtý qajet. Sebebi elimizdiń túkpir-túkpirinen, atap aıtsaq, Shyǵys Qazaqstannan, Qaraǵandy oblysynan, Soltústik Qazaqstannan tolassyz ótinishter túsip jatyr. О́ńirlerden osyndaı klýbtar jelisin ashýdy júıeli túrde qolǵa alýymyz kerek. Bul memlekettik tildi keń jáne shynaıy qoldanýǵa yqpal etedi.
Olga SPIRINA,
Qazaqstan halqy Assambleıasynyń múshesi
