Yntymaq aınasy

Bul – elimizdegi túrli etnos ókilderiniń memlekettik tilge, elge degen qurmeti. Japonııadan kelgen jas qyzdyń qazaq tiliniń ereksheligine qyzyǵyp, az ǵana ýaqytta tildi erkin meńgerip al­ǵan­dyǵyna rıza bolasyz. Sondaı-aq alystaǵy Amerıkada júrip, óziniń kúsh-jigerimen qazaq tilin úırenip alǵan dıplomattyń erik-jigeri men ynta-yqylasyna qurmetimiz sheksiz. Alaıda sol azamattyń Qazaqstanǵa kelip, Astanada jú­rip osy eldiń mem­le­kettik tilin, ıaǵnı qazaq tilin odan ári damyta almaı júrgeni qynjyltady. Sebebi ol kisige memlekettik tildi úırenetin orta joq. Munda aralasatyndardyń kópshiligi oryssha sóıleýge beıim turady. Mine, osy máse­le­ni túbegeıli qolǵa alyp, mem­lekettik tildiń damýyna jol ashatyn kez keldi. Osy arada taǵy bir qolǵa alatyn másele, jańa saılanǵan Parlamentte depýtattar qabyldaıtyn zańdardy aldymen memlekettik tilde da­ıyndaýǵa mán berýleri kerek. Ol týraly depýtattar másele kótere bastady.

Qazaq tilin jańǵyrtýdyń qa­zirgi negizgi talaby tildik qajet­ti­likpen oraılas. Eger til reformasyn júzege asyrmaıtyn bolsaq, memlekettik tilge degen suranysty arttyra túspesek, tildi damytýdyń tetikterin jasamasaq, is ilgeri baspaıdy.

Assambleıa quramyndaǵy mem­lekettik tilge degen yqy­las­tary basym azamattardy halyq erekshe qurmettep, árqashan syılaıdy. Bizdiń tilimiz – birliktiń, yntymaqtyń aınasy. Osy qundylyqty árdaıym nyǵaıta be­reıik.

Saıasat BEIISBAI,

Fılosofııa, saıasattaný

jáne dintaný

 ınstıtýtynyń bas sarapshysy