Búgingi urpaqtyń mindeti – birlik pen yntymaqty odan ári nyǵaıtý. Sebebi turaqtylyq ta, tynyshtyq ta, damý da – birlikte! Bolashaǵyn oılaǵan, urpaǵynyń taǵdyryna alańdaǵan árbir halyqtyń armany sol bolsa kerek. Ol úshin bizdiń aldymyzda atqarylýǵa tıis mindetter bar. Bul jumystar burynnan da júrgizilip keledi, biraq olardy áli de kúsheıte túsý qajet. Sonyń eń bastysy – el halqyn memlekettik tildiń aınalasynda uıystyrý. Qaı ulttyń ókili bolǵanyna qaramastan, osy topyraqta ónip-ósip otyrǵan árbir azamat memlekettik tildi bilýi shart. Eger biz bárimiz qazaq tilinde sóılesek, oıymyz da bir bolady, júregimiz de birge soǵady.
Assambleıa osy baǵytta kóp jumystar atqaryp jatyr. Mysaly, onyń uıytqy bolýymen jastar arasynda «Úıde sóıle» jobasy qolǵa alyndy. Sonymen birge árbir «Dostyq úıinde» qazaq tilin úıretetin tegin kýrstar ashylǵan. Assambleıanyń memlekettik tildi damytýǵa baǵyttalǵan «Myń bala» respýblıkalyq jobasy bar. Ol balalarǵa qazaq tili men qazaq halqynyń rýhanı qundylyqtaryn nasıhattaıdy.
Árbir azamat Qazaqstan halqy Assambleıasy tarapynan atqarylyp jatqan osy jumystarǵa óz úlesin qosyp, atsalysýy kerek. Qazaq tili – Qazaqstandy mekendegen barlyq halyqtyń ultaralyq tili bolǵansha bul jumystar toqtamaýy tıis dep esepteımin.
Sherzod PÝLATOV,
Astana qalasy ózbek etnomádenı birlestiginiń tóraǵasy, Prezıdent janyndaǵy Ulttyq quryltaı múshesi
