Eń basty ıdeıanyń biri – qazaq ultynyń jańa sapasy. Baıqasańyz, áli kúnge deıin qazaq máselesi kóterilgen kezde «qazaq degen quryp bara jatqan ult», «qazaq degen joıylaıyn dep jatqan ult» degen sekildi ótken ǵasyrdyń 60-70-jyldary, rasymen ultqa qaýip tónip turǵan kezdegi «urandar» basym. Biz endi búkil derekke sáıkes, 70 paıyzdan astyq. Mysaly, osydan 30 jyl buryn qazaqtyń teń jartysy ana tilin bilmese, qazirgi jaǵdaı múldem basqasha. Qazir ózge etnos ókilderi de qazaq tilin belsendi meńgerip jatyr. Assambleıa soǵan muryndyq bolýy kerek. Bul – osyǵan deıingi seksııalyq otyrysta kóterilgen másele.
Qazaqstanda eki etnos ókili bolsa da, Assambleıa óziniń jumysyn toqtatpaıdy. Qurylymnyń eń basty maqsaty – memleketti nyǵaıtý, ultty toptastyrý, birtutas qylý, birizdilik pen biregeılikke alyp kelý jáne qarapaıym tilmen aıtqanda, ózge etnos ókilderine qazaq tilin úıretý, qazaq mádenıetin túsindirý, túısindirý.
Alda-jalda eger eki ózge etnos arasynda nemese eki toptyń arasynda kıkiljiń týyndaı qalsa, QHA soǵan eń birinshi bolyp aralasatyn, azamattardy birlikke, tatýlyqqa shaqyratyn uıym bolyp qalýy kerek. Ortaq jumysty isteıtin, árıne, memlekettik organdar, saıası partııalar, Parlament músheleri jáne taǵy basqalar. Alaıda Assambleıanyń ishki mindeti, jumysy – ózge etnostardy birtutas ıdeıa aınalasyna toptastyrý, biriktirý.
Aıdos SARYM,
Májilis depýtaty
