Astanada ótetin jyl saıynǵy qazaq tilinde onlaın-kontent jasaýshylardyń forýmy medıa sarapshylar, jýrnalıster, bas redaktorlar, blogerler men vlogerlerdiń basyn qosady.
Osy jyldar ishinde QazaqForum sarapshylar men mamandardyń basyn qosyp, qazaqtildi onlaın medıanyń damytý máselelerin talqylaıtyn jalǵyz alań retinde tanyldy. Jalpy úsh jyldyń ishinde sharaǵa 400-den astam adam qatysty. 2018 jyldan beri Forým aýdıtorııasy keńeıip, endi qatysýshylar men spıkerler kez kelgen onlaın resýrstaǵy qazaqsha kontenttiń máselelerin qarastyratyn boldy.
Forým Aqparat jáne qoǵamdyq damý mınıstri Darhan Qydyráliniń sózimen bastaldy. Mınıstr qazaq medıasy týraly aıta kelip, jobanyń mańyzyna toqtaldy. Sodan keıin AQSh-tyń Qazaqstandaǵy elshisi Denıel Rozenblıým sóz sóıledi.
