Meteorologtardyń málimetinshe, Qazaqstannyń basym bóliginde atmosferalyq frontaldy bólikterdiń ótýimen turaqsyz aýa raıy saqtalady: naızaǵaı oınap, jańbyr, burshaq jaýady. Respýblıka boıynsha jel kúsheıip, tuman túsedi. Ońtústik oblystarda shańdy daýyl soǵady.
«Kezeń sońynda Soltústik antısıklonnyń basyp kirýi Qazaqstannyń basym bóliginde aýa temperatýrasynyń tómendeýine ákeledi. Soltústikte, soltústik-batysta, ortalyqta túnde 1-7 gradýsqa deıin aıaz kútiledi. Shyǵysta 1-10 gradýs aıazǵa deıin tómendeıdi», delingen «Qazgıdromet» habarlamasynda.
