Spartakıadadan synǵa tústi

29-30 mamyr kúnderi Týrızm jáne sport mınıstrliginiń uıymdastyrýymen Prezıdent N.Nazarbaevtyń bıylǵy halyqqa Joldaýyn iske asyrý maqsatynda mınıstrlikter men vedomstvolarda qyzmet etetin memlekettik qyzmetkerler arasynda sporttyń úsh túrinen spartakıada ótti. Salamatty ómir salty men sportty serik etken memlekettik qyzmetkerler eki kún boıy Qajymuqan Muńaıtpasov atyndaǵy ortalyq stadıonda shaǵyn fýtboldan, “Astana” sport kesheninde voleıbol men “Jeti qazyna” kesheninde bılıardtan jarysqa tústi. Sóıtip, onyń qorytyndysynda shaǵyn fýtboldan birinshi oryndy Parlament Májilisiniń apparaty, ekinshi oryndy Bilim jáne ǵylym mınıstrligi, úshinshi oryndy Qorǵanys mınıstrligi jeńip alsa, voleıbol básekesinde Ulttyq qaýipsizdik komıtetiniń quramasyna teń keler eshkim bolmady. Al sporttyń osy túrinen komandasyn qosqan Bas Prokýratýra qyzmetkerleri ekinshi oryndy ıelense, Ishki ister mınıstrliginiń ókilderi úshinshi oryndy qanaǵat tutty. Sol sııaqty bılıardtan ótken jarysta IIM-niń komandasy qurmet tuǵyrynyń úshinshi satysynan kórinse, Kólik jáne kommýnıkasııalar mınıstrliginiń qyzmetkerleri ekinshi, al Prezıdent Ákimshiliginiń komandasy bas júldeni jeńip aldy. Dastan KENJALIN.