Qadirli otandastar!
Sizderdi Qazaqstan halqynyń birligi merekesimen shyn júrekten quttyqtaımyn!
Bul – turaqtylyq pen tynyshtyqty, tatýlyq pen kelisimdi dáripteıtin meıram.
El birligi – bizdiń baǵa jetpes baılyǵymyz, memlekettiligimizdiń berik negizi. Qazaq jeri san alýan etnos ókilderiniń qutty mekenine aınalǵan. Barlyq azamattarymyz ótken tarıhy, búgini men bolashaǵy bir ekenin tereń uǵynady. О́ıtkeni jurtymyzdyń qundylyqtary da, arman-murattary da ortaq. Túptep kelgende, bárimiz – úlken qara shańyraqtyń, birtutas qazaq ultynyń perzentterimiz.
Elimizdiń ósip-órkendeýi qolǵa alǵan reformalardyń tıimdi júzege asyrylýyna baılanysty. Biz osy irgeli maqsattarǵa myzǵymas birliktiń arqasynda ǵana qol jetkizemiz.
Halqymyz «Yrys aldy – yntymaq», deıdi. Babalarymyzdyń bul ósıeti – Ádiletti Qazaqstandaǵy basty ustanymnyń biri. Biz tatýlyq, teńdik jáne ádildik qaǵıdalaryna negizdelgen qoǵam quramyz.
Birligi jarasqan jurtymyzdyń abyroıy asqaq bolsyn!
Barshańyzǵa baq-bereke jáne tolaǵaı tabys tileımin!
Mereke qutty bolsyn, aǵaıyn!
