Saıabaqqa jınalǵan kópshilik «Birligimiz jarasqan» áni jáne horegrafııalyq kompozısııasymen bastaý alǵan merekelik is-sharany kóterińki kóńil-kúıde tamashalady.
Is-sharany Shymkent qalasynyń ákimi Murat Áıtenov arnaıy quttyqtaýmen ashyp, qala turǵyndary men qonaqtaryna izgi tilegin jetkizdi.
«Búgin barshańyzdy 1 mamyr - Qazaqstan halqynyń birligi kúnimen quttyqtaımyn!
Jýyrda Qazaqstan halqy Assambleıasynyń HHHII sessııasynda Memleket basshysy Qasym-Jomart Toqaev halyqtyń birligi bekem bolsa, ekonomıkalyq damý, beıbitshilik pen turaqtylyq bolatynyn h aıtyp ótti. Elimizde ómir súrip jatqan barlyq etnos ókilderi óz bolashaǵyn Qazaqstanmen baılanystyrady jáne onyń órkendeýi úshin aıanbaı eńbek etip keledi. Bizdiń jalǵyz otanymyz bar. Ol — Qazaqstan. Beıbit kúnde, shattyqqa toly Birlik kúni qutty bolsyn!», dedi Murat Dúısenbekuly.
Merekelik keshte Shymkent qalalyq mádenıet úıi ónerpazdary jáne «Aıgólek», «Shamsınýr», «Erketaı», «Qarakóz», «Bı tańy», «Qazyna» bı ansamblderi, «MEIR» balet mektebi jáne slavıan etnosynan «Svetoch» hory óner kórsetti.
Merekede «Qazaqstan» áni shyrqalyp, 500 shar men 200 kógershin ushyryldy.
Sonymen qatar, dál osy sátte «Arbat» alańynda «Kógershinder» kórmesi jáne merekelik etno kórme, «Abaı» saıabaǵynda merekelik konsert, zoobaqta «Sırk» ártisteriniń arnaıy nómirleri, «Ortalyq» saıabaqta Qýyrshaq teatrynyń qoıylymy sahnalanyp jatyr.
