Olımpıadaǵa 20-dan astam elden kelgen oqýshylar qatysady. Onyń ishinde Reseı, Avstrııa, Saýd Arabııasy, Armenııa, Izraıl, О́zbekstan jáne basqa da memleketterden qatysýshylar bar. Komanda quramalary buǵan deıingi ulttyq hımııa olımpıadalarynyń nátıjesinde anyqtalyp, iriktelgen. Qazaqstan atynan 15 oqýshy qatysady.
Olımpıada úsh kezeńnen turady. Onyń ekeýi teorııalyq jáne bireýi tájirıbe júzinde ótedi. Birinshi kezeń tapsyrmalary kúrdeliligi boıynsha arnaıy hımııa synyptarynyń baǵdarlamasyna sáıkes keledi. Ekinshi kezeńde qatysýshylarǵa hımııanyń bes bólimi boıynsha joǵaryraq deńgeıdegi tapsyrmalar beriledi. Bes saǵattyq tájirıbelik kezeńde oqýshylar hımııalyq zerthanalarda zattardyń hımııalyq saraptamasyn júrgizip, usynylǵan ádisteme boıynsha sıntez jasaıdy.
Olımpıada qorytyndysy boıynsha qatysýshylarǵa sertıfıkattar men estelik syılyqtar beriledi. Jeńimpazdar men júldegerlerge dárejeleri boıynsha dıplomdar men medaldar tabystalady. Absolıýtti jeńimpazǵa jarysty uıymdastyrýshylar taǵaıyndaǵan akademık Valerıı Lýnın atyndaǵy syıaqy beriledi.
Olımpıadany Qazaqstan Respýblıkasynyń Oqý-aǵartý mınıstrligi, Reseıdiń M.V. Lomonosov atyndaǵy MMÝ-niń hımııa fakýlteti jáne Andreı Melnıchenko atyndaǵy qor uıymdastyryp jatyr.
