Qurylysy 2010 jyly bastalǵan sý qubyry 2021 jyly iske qosylýy kerek edi. Bul týraly burynǵy Ekologııa mınıstri Maǵzum Myrzaǵalıev aıtqan edi. Al Serikqalı Brekeshev sý qubyry 2022 jyly paıdalanýǵa beriletinin aıtqan. Alaıda, qubyr qurylysy bitpegen kúıinde qalyp otyrdy.
Atalǵan qubyr júıesi Jezqazǵan, Sátbaev qalalaryn aýyz sýmen qamtamasyz etedi dep josparlanyp otyrǵan. Onyń qurylysy osydan 13 jyl buryn bastalǵan. Biraq, barlyq jumystar 2012 jyly apat jaǵdaıyna baılanysty toqtap qalǵan. Keıin qaıta jandanǵan qurylys 2018 jylǵa deıin aıaqtalýy kerek edi. Bas merdigerdiń qurylys sapasyna salǵyrt qaraýy saldarynan, qubyrdaǵy jumystar sońyna deıin bitpegen.
Degenmen, «Esqula» sý qubyryna jyl saıyn bıýdjetten qarajat bólinip otyrǵan. Onyń bastapqy quny 5,8 mlrd teńge bolsa, keıin taǵy 10 mlrd-qa jýyq qosymsha qarjy bólingen.
