Birinshi ret qolǵa alynǵan óńir chempıonatyna oblystyń ár qıyrynan kelgen jeti komanda qatysyp, ózara kim myqty degen saýalǵa jaýap izdedi. Jeti komandanyń namysyn qorǵaǵan on alty balyqshynyń qaı-qaısysy da jeńistiń bıik tuǵyrynan kórinýge kúsh saldy.
Chempıonat qorytyndysynda qarsylastarynan oq boıy ozyq bolǵan, quramynda Ǵabıt Igilikov, Elnur Taıtelıev sekildi tájirıbeli balyqshylar toptasqan «King Carp» komandasy top jarsa, «carp NRG» komandasy kúmis júldeger atandy. Al úzdik úshtikti «Zhambyl carp club» komandasy túıindedi.
Uıymdastyrýshy tarap dodaǵa qatysqan komandalardyń ishinde eń iri balyq aýlaǵan komandaǵa «big fish» kýbogin tapsyrdy. Atalǵan kýbok salmaǵy 10 kılogramm 520 gramdy quraıtyn alyp balyqty qarmaǵyna túsirgen «King carp» komandasynyń jigitterine buıyrdy.
Úsh kúnge sozylǵan óńir chempıonatynyń qorytyndysynda jalpy salmaǵy 200 kılogramm balyq aýlansa, jarys erejesine sáıkes qarmaqqa ilingen balyqtyń barlyǵy da kólge qaıta jiberildi.
Jambyl oblysy
