Aýyldar aqparattyq júıege enedi

Oblys ákimdigi sáýlet jáne qala qurylysy basqarmasynyń basshysy Aıtqazy Qarabalaev­tyń aıtýynsha, óńirlik geo­aq­pa­rattyq júıeni qurý jumys­­tary ýaqtyly aıaqtal­ǵan. Nátı­je­sinde, oblys ortalyǵy Taraz qa­lasyndaǵy jer ýchaskeleri shekaralaryn sáıkestendirý úshin aerofototúsirilim jumystary júrgizilgen.

«Oblys jáne qala tur­ǵyn­dary úshin geoportaldyń ashyq kartasy jasalyp, 160-tan asa geoportaldyń elektrondyq ke­zek­shi kartasy qyzmet babynda paı­dalaný úshin retke keltirildi. Onyń ishinde geoportalǵa ar­nalǵan 367 biryńǵaı talapqa saı kartografııalyq derekter engizildi. Aýqymdy jumys­ty mamandar der kezinde júıele­genin aıta ketken jón. Budan bólek, memlekettik qyzmetti sıfr­landyrý jumystary da jolǵa qoıyldy. Naqtyraq aıtar bolsaq, sáýlet jáne qala qu­rylysy salasyna qarasty 6, jer qatynastary salasyna qarasty 8 memlekettik qyz­met der kezinde avtomattandy­ryldy. Búgingi tańda oblys ákim­diginiń sıfrlyq tehnolo­gııalar basqarmasyna qarasty óńirlik geoaqparattyq júıe­si ortalyǵy tarapynan birqa­tar avtomattandyrylǵan memle­ket­tik qyzmetti iske qosý ju­mystary júrgizilýde. Bul sha­rýa­nyń da ýaqtyly aıaqta­la­tynyna eshqandaı kúmán joq», deıdi basqarma basshysy jaǵ­daıdy túsindirip.

A.Qarabalaevtyń aıtýynsha, oblys ákimdigine qarasty 14 bas­qarmada jalpy sany 24 avto­mattandyrylǵan jumys orny qalyptastyrylyp, derekter engiziledi. Búginde basqarma tarapynan memlekettik qyzmet­terdi óńdeý, túsindirý baǵytynda birqatar naqty jumys qolǵa alynǵan.

«О́ńirlik geoaqparattyq júıe­ni jyljymaıtyn múliktiń biryńǵaı memlekettik kadas­try aqparattyq júıesimen, elek­trondy úkimet portalymen «Smart Bridge» platformasy ar­qyly tájirıbelik ınte­gra­sııa­laý jumystary 100 pa­ıyz oryndalǵanyn aı­ta ket­ken lázim. Sonymen qa­tar memle­kettik menshikten jer ýchas­kelerine quqyq berý jó­nindegi qanatqaqty joba­nyń «Jer ýchaskelerin aýk­sıon arqyly berý» qyz­met­teri de avtomattandyryl­dy. At­qarylyp jatqan jumys mu­nymen toqtap qalǵan joq. Osy jyly oblystyń óńirlik geoaq­pa­rattyq júıesin tolyq­taı aıaq­tap, iske qosý úshin bir­qatar qajetti derekti to­lyq­tyrý kerek. Bul endi kezek kút­tirmeıtin sharýa desek te bola­dy. Ol úshin eki birdeı ózek­­­ti máseleni der kezinde ret­­­teý kerek. Birinshi kezekte óńir­­degi 359 eldi mekenniń bas jos­paryn sıfrlandyrý máse­lesine aıryqsha nazar aýda­ryp otyrmyz. Sol arqyly geoaq­parattyq júıege engizemiz. Bas jospar jobasyn sıfrlandyrý arqyly qyzyl syzyqtaǵy aımaqtar, fýnksıonaldyq aı­maqtar, qorǵaý aımaqtary, árbir jer ýchaskeleriniń nysanaly maqsaty, kóshe joly jelisi, bos jer ýchaskeleri jáne ózge qala qurylysy derekteri engizilmek.

Budan bólek, aldaǵy ýaqytta aýdan ortalyqtaryna 1:500 mas­shtabtaǵy aerofototúsirilim ju­mystaryn júrgizýdi josparlap otyrmyz. Basty maqsatymyz – bos jer telimderin anyqtaý ba­rysynda tańdalǵan jer ýchas­kesiniń qoldanystaǵy jer teli­miniń shekarasyna kirmeı dál kon­fıgýrasııada bolýyn qamta­masyz etý, bas jospar men egjeı-tegjeı jobalaýdy dál mas­shtab­pen baılanystyrý. Sol arqyly geoportal júıesine óńir eldi mek­en­derindegi bos jer ýchas­kele­rin ja­rııalaýǵa múmkin­dik tý­maq», deıdi A.Dáýlet­qul­uly.

Basqarma basshysynyń só­zine sensek, osy jumystar óz deń­geıinde atqarylǵan kezde memlekettik menshiktegi jer ýchas­­­kelerine elektrondy quqyq berý qyzmetin iske asyrýǵa to­lyq­taı múmkindik týady. Son­daı-aq oblys ortalyǵy sanala­tyn Taraz qalasy men Shý, Jańa­tas, Qarataý qalalarynda jer ýchaskeleri jańa ádispen, ıaǵnı elek­trondy túrde beriledi eken.       

«Tıisti qyzmetterdi alý úshin birinshi kezekte ótinish berýshi «E-Gov» portalyna tirkelip, «Ja­­rııa kadastrlyq karta» ar­qy­ly ótinishti usynady. О́ti­nish odan ári qaraı e-jambyl.kz saıty arqyly óńirlik geo­aq­­parattyq júıesine jolda­nady. Geoportal arqyly kel­gen ótinishke sáıkes jer ýchas­kesin berý nemese bas tartý má­selesi qaralady. Berilgen jaǵ­daıda qajetti qujattardy ázir­leý, kelisimshartty alý, daıyn qujatty usyný sekildi jumystar kezegimen júzege asady. Tıisti sheshimderdi qabyldaý, kelisimderdi alý boıyn­sha ádildik pen ashyqtyqty qam­tamasyz etý úshin jarııa ka­dastrlyq kartaǵa jer ýchas­keleri, quqyqtyq jáne qala qury­lysy talaptary týraly derekt­er engiziledi. Joǵaryda atal­ǵan derekter birinshi kezekte ob­lystyń e-jambyl.kz geopor­talyna tolyqtyrylyp, odan ári qaraı geoportalmen ıntegra­sııa júrgizý arqyly jarııa kadas­tr­lyq kartaǵa usynylady. Qazirgi ýaqytta basqarma tarapynan geoportaldy qosymsha derektermen tolyqtyrý jumystary josparǵa sáıkes atqarylýda. Álbette óńir úshin mańyzy zor jumysty ýaqtyly júzege asy­rýǵa kúsh salyp jatyrmyz.

Budan bólek, osy jyldyń ekin­shi toqsanynyń basynda bas­qarma men «KazGISA» JShS jáne Jambyl oblysy ákim­­diginiń sıfrlyq tehno­lo­gııalar basqar­masynyń qa­tysýy­men Taraz qalasy, Shý, Sa­rysý, Talas aýdany ákimdi­giniń sáýlet jáne qala qu­ry­lysy, jer qatynastary bó­lim­­de­riniń jaýapty mamandary jer ýchaskesin jańa ádispen berý týraly túsindirý, taldaý ju­mys­taryn júrgizdi», deıdi bas­qarma bas­shysy.

Aıtqazy Qarabalaevtyń aıtýynsha, aldaǵy ýaqytta óńir­degi tórt shaǵyn qalanyń monopolııa sýbektileri nazardan tys qalmaıdy. Jańa ádiske saı jer ýchaskesiniń tańdaý akti­sin geoportal arqyly kelisý úderis­terin túsindirý, taldaý jumys­tary qolǵa alynbaq.

Jambyl oblysy