«Azyq-túlikti arzan baǵamen satyp alýǵa kelsek, bul – eń aldymen baqylaý-kassalyq apparattarymen jabdyqtalǵan iri saýda jelileri. Sebebi, baǵaǵa qatysty kúmán týyndaǵan jaǵdaıda, tek chek arqyly ýákiletti organdar men saýda departamentine júgine alady. Osylaısha, baǵany ósirý faktisin rastaýǵa nemese joqqa shyǵarýǵa bolady. О́rkenıetti saýda formaty boıynsha taýarlardy satyp alý oryndary óte mańyzdy. Bul áleýmettik mańyzy bar taýarlarǵa da qatysty», dedi Arman Shaqqalıev ortalyq kommýnıkasııalar qyzmeti alańynda ótken baspasóz máslıhaty barysynda.
Spıkerdiń aıtýynsha, Qazaqstanda keıbir azyq-túlik baǵasy birshama tómendegen.
«Sońǵy aptadaǵy derekterdi taldaý nátıjelerine qarasaq, keıbir azyq-túlik baǵasy tómendegenin baıqaýǵa bolady. Atap aıtqanda, qaraqumyq, qant, kartop, kúnbaǵys maıynyń baǵasy tómendedi. Jalpy, el boıynsha 0,7-den 2,2%-ǵa deıin arzandaý baıqalady», dep qosty Arman Shaqqalıev.
