Qundyzbek Ábdirasylov 1982 jylǵy 16 qarashada dúnıege kelgen. «Áýlıe Ata» ýnıversıtetin jáne Jambyl gýmanıtarlyq-tehnıkalyq ýnıversıtetin bitirgen. Aqparat júıeleri, qarjy jáne quqyq salalary boıynsha bilim aldy.
Eńbek jolyn 2005 jyly Jambyl oblysy Baızaq aýdany boıynsha Salyq komıteti Salyq tirkeý bóliminiń shtattan tys qyzmetkeri bolyp bastady, osy jerde bas maman laýazymyna deıin kóterildi.
«Ulttyq aqparattyq tehnologııalar» AQ, Statıstıka agenttiginde, Ulttyq ekonomıka mınıstrliginde túrli qyzmetterde jumys istedi. Eýrazııalyq ekonomıkalyq komıssııanyń ekonomıka jáne qarjy saıasaty jónindegi mınıstriniń Hatshylyǵyn basqardy.
2014-2018 jyldary Astana qalasynyń Statıstıka departamenti basshysynyń orynbasary, departament basshysy boldy.
Ár jyldary Qarjy mınıstriniń, Premer-mınıstr orynbasarynyń, Premer-mınıstrdiń keńesshisi bolyp jumys istedi.
Qazirgi ýaqytqa deıin Premer-mınıstr hatshylyǵynyń meńgerýshisi bolyp qyzmet etti.
Buryn osy lazaýymda bolǵan Asqar Jákenov basqa jumysqa aýysýyna baılanysty qyzmetinen bosatyldy.
