KEIKI BATYRǴA ESKERTKISh ORNATYLDY

Arqalyq qalasynyń ortaly­ǵyn­da 1916 jylǵy ult-azattyq kóterilisindegi iri tulǵalardyń biri – Keıki batyrǵa eskertkish or­na­tyldy. Eskertkishtiń ózin jer­gi­likti músinshi Ábilbek Uzaqov ótken jyly daıyndap qoıǵan bolatyn. Onyń tas-tuǵyry “Qazaqstan alıý­mınıı” aksıonerlik qoǵamy Tor­ǵaı boksıt ken basqarmasynyń dı­rektory Vıktor Rodınniń demeý­shiligimen jasaldy. Arqalyq óńirindegi Elena Sven­­týh basqaratyn “Jas ulan” balalar uıymy eki jyl boıy “Aýylym – altyn besigim” jobasy boıynsha aýqymdy tarıhı-mádenı zertteý jumysyn júrgizip keledi. Osy joba sheńberinde jasulan­dyqtar Keıki batyr týǵan jeri-eli úshin soǵysqan, qan tókken jer­lerde bolyp qaıtty. Jınalǵan ma­te­rıaldar negizinde Elena Sven­týhtyń jetekshiligimen Keıki ba­tyrdyń esimin máńgi este qaldyrý isi bastalyp ketti. Úkimettik emes uı­ym jetekshisiniń bastamasyn Vıktor Pavlovıch qoldap, ıgilikti is júzege asty. Qolyna shı myltyq ustaǵan mergen baba tas-tuǵyrdyń ústinen alysqa qarap otyr. Músinshi Ábil­bek Uzaqov somdaǵan halyq baty­ry­nyń tas keıpinen halqymyz táý­el­sizdik úshin bastan keshken sur­ǵylt kúnder elestegendeı bolady. Músinshi buǵan deıin Torǵaı óńi­rinde halyq tarıhynan syr shertetin birneshe týyndy jasaǵan bolatyn. Názıra JÁRIMBETOVA. ARQALYQ.