Endi О́zbekstannyń qazirgi prezıdenti bılik oryntaǵyna qaıta saılanýǵa quqyly. Osy eldiń BAQ málimeti boıynsha О́zbekstannyń OSK basshysy Zaınıddın Nızamhodjaev basty zańnyń jańa redaksııasyn 90,21 paıyz halyq qoldaǵanyn habarlaǵan.
«Referendýmǵa shyǵarylǵan máseleni qoldap 15 040 056 adam daýys berdi, bul – daýys berýge qatysqandardyń 90,21 paıyzy. Daýys berý ulttyq zańnamaǵa jáne halyqaralyq standarttarǵa sáıkes ótti», dedi Z.Nızamhodjaev OSK brıfınginde.
Ortalyq saılaý komıssııasy basshysynyń aqparatyna sáıkes ýchaskelerge kelgenderdiń 9,35%-y konstıtýsııalyq zań jobasyna qarsylyq bildirgen, bıýlletenderdiń 0,49%-y jaramsyz dep tanyldy.
Nátıjesinde, О́zbekstan Konstıtýsııasy 65 paıyzǵa jańartylyp, 27 jańa bap engizilgen, osylaısha baptardyń jalpy sany 155-ke jetti. Zańǵa engizilgen ózgeristerdiń biri prezıdenttiń ókilettik merzimin bes jyldan jeti jylǵa deıin ulǵaıtýdy kózdeıdi.
Sondaı-aq basty qujatta senatorlar sanyn 100-den 65-ke deıin qysqartý, parlamenttiń tómengi palatasynyń bıýdjettiń atqarylýyn baqylaý jónindegi ókilettikterin bekitý, ólim jazasyna tyıym salý, el azamatyn shet memleketke berýge tyıym salý baptary bar. Buǵan qosa О́zbekstannyń negizgi zańynda azamattyq qoǵam ınstıtýttary jáne olardyń qyzmetiniń kepildikteri týraly taraý engizilgen. Al О́zbekstan Konstıtýsııasy 1992 jyly qabyldanǵan, sodan beri eldiń basty zańyna 15 ret ózgertý engizilgen.
«Anadolu» agenttiginiń málimeti boıynsha jalpyhalyqtyq daýys berýge arnalǵan bıýlletende bir ǵana suraq qoıylǵan: «Siz «О́zbekstan Respýblıkasynyń Konstıtýsııasy týraly» О́zbekstan Respýblıkasynyń Konstıtýsııalyq zańyn qabyldaısyz ba?». Oǵan «ıá» nemese «joq» dep jaýap berý qajet bolǵan. 2023 jyldyń 10 naýryzynda О́zbekstan Parlamentiniń Zań shyǵarý palatasy «О́zbekstan Respýblıkasynyń Konstıtýsııasy týraly» jańa konstıtýsııalyq zań jobasyn maquldap, respýblıka konstıtýsııasyna ózgerister men tolyqtyrýlar engizý boıynsha referendýmdy 30 sáýirge belgileý týraly sheshim qabyldaǵan edi. О́zbekstannyń OSK basshysy habarlaǵandaı, referendýmda eshqandaı zań buzýshylyqtar tirkelmegen, saıası is-shara sátti ótken.
Memleket basshysy Qasym-Jomart Toqaev Prezıdent Shavkat Mırzııoevti О́zbekstan Respýblıkasynyń Konstıtýsııasyna ózgerister engizý jónindegi jalpyhalyqtyq referendýmnyń sátti ótýimen quttyqtady. Qasym-Jomart Toqaev jalpyulttyq tańdaý erkiniń qorytyndysy Prezıdent Shavkat Mırzııoevtiń strategııalyq baǵdaryna ózbek halqynyń zor senim bildirip, qoldaǵanynyń dáleli ekenin atap ótti. «Qazaqstan men О́zbekstan prezıdentteri eki el arasyndaǵy strategııalyq seriktestik pen yntymaqtastyqty nyǵaıtýǵa nıetti ekenin taǵy da rastady», delingen habarlamada.
