Joba aıasynda 2023 jyly hronometrajy 5 mınýttan asatyn keminde 10 anımasııalyq týyndy jaryqqa shyǵady dep kútilýde.
Mınıstrlik arnaıy ssenarııler baıqaýy jarııalanǵanyn aıtty. Oǵan túrkitildes elderdiń ejelgi ańyzdarymen baılanysty taqyryptarda: túrkitildes elderdiń uly tulǵalary, qasıetti janýarlary men jer-sý ataýlary, túrkitildes elderdiń ortaq merekeleri men ulttyq oıyn-saýyqtary týraly ańyzdar negizinde shyǵarmashylyq jumystar qabyldanady.
Pıtchıng qorytyndysy boıynsha tańdalǵan on úzdik joba ashyq qorǵaý múmkindigine ıe bolady.
«Bul jobanyń mańyzy óte úlken. Qazir ssenarııler baıqaýy jarııalandy. Biz avtorlarǵa ótken tarıhymyzdy búgingi kúnmen baılanystyrýǵa bolatyndaı shyǵarmashylyq erkindik berip otyrmyz. Sol sebepti úmitkerlerden taqyrypqa saı jáne kórkemdik deńgeıi joǵary jumystar kútemiz», dedi «Qazaqfılm» kınostýdııasynyń vıse-prezıdenti Serik Ábishev.
