Biz saptyq alańǵa, arnaıy áskerı qalashyqtarǵa nusqaýlyq sabaqtarǵa shyqqan jeke quramnyń arasynan sol kúngi jaýyngerlik qyzmetke túsetin tájirıbesi de tálimi de mol qaraýyl bastyǵy, aǵa serjant Beket Tóleýishovti áńgimege tarttyq.
«Men jalpy áskerı qyzmetti 2001 jyldan bastadym. Ulttyq ulan qatarynda merzimdik qyzmetimdi aıaqtaǵan soń araǵa bir-eki jyl salyp kelisimshart boıynsha áskerı qyzmetke ornalastym. Alǵashynda vzvod serjanty bolyp qyzmet atqardym. 2013 jyly 6698-áskerı bólimi qurylǵan soń qaraýyl bastyǵy laýazymyna taǵaıyndaldym. Mine, sol ýaqyttan beri osy jaýyngerlik qyzmetti atqaryp kelemin. On jylǵa jýyq qyzmet barysynda biraz tájirıbe jınaqtadym. Bizge júktelgen jaýapkershilik óte joǵary. О́ıtkeni biz bir táýlik boıy qyzmet atqaratyn qaraýyldyń barlyq jeke quramynyń áreketine jaýap beremiz. Ár belgilengen ýaqyt saıyn aımaqty jiti qadaǵalap shyǵamyz. Úırengen daıyndalǵan jaýyngerlik qyzmet algorıtminen bólek kez kelgen ýaqytta oqys oqıǵa bolýy múmkin. Ýaqytynda durys sheshim qabyldap, naqty áreket etý – bizge artylǵan tapsyrmalardyń biri», deıdi aǵa serjant qyzmetteri týraly.
Áskerı qalashyqtaǵy ótkizilip jatqan nusqaýlyq sabaqtardy aralap júrip, sarbazdarmen ótkizilip jatqan sabaqqa nazar aýdardyq. Vzvod komandıri sottalǵandardyń qashý áreketi bolǵan jaǵdaıda saqshynyń is-áreketi taqyrybyn sarbazdarmen taldap, túsindirip jatty. Nusqaýlyqty túsindirip jatqanda vzvod komandıriniń suraqtaryna naqty ári durys jaýap berip, áreket etý algorıtmin jatqa aıtyp turǵan jas sarbaz kózimizge tústi. Vzvod komandıri nusqaýlyqty aıaqtaǵan soń álgi sarbaz týraly suraǵanymyzda, jaýyngerlik qyzmette úlgililerdiń biri ekenin aıtyp ótti. Reti kelgende sarbazben de sóılesip úlgerdik. Mysaly, 2-atqyshtar rotasynyń sarbazy, qatardaǵy jaýynger Ernur Kelesbek Qyzylorda qalasynan shaqyrylǵan eken.
«Munda kelgeli áskerdegi jaýyngerlik qyzmettiń qyr-syryn kúndelikti oqyp úırenýdemin. Qazirgi tańda №53 túzeý mekemesin kúzetý boıynsha qaraýyl quramynda qyzmet atqaryp kelemin. Osy ýaqytqa deıin 80-ge jýyq atqarylǵan jaýyngerlik qyzmettiń quramynda boldym. Bizdiń saqshy retinde basty mindetimiz – kez kelgen qımyldy, dybysty qalt jibermeý. О́ıtkeni múlt jibergen bir qımyl úlken bir aǵattyqqa alyp kelýi múmkin. О́ziniń paıdasy úshin ne nársege bolsa bas tigip, qıturqylyqtyń neshe túrin oılap tabatyn sottalǵandardan bárin kútýge bolady. Tún ortasynan aýyp, árbirimizdi uıqy basqan ýaqytty kútip áreket etkisi keledi. Bizdiń saqshy retinde osal tustarymyzdy ańdıdy, alaıda oǵan jol bermeımiz. Sol úshin komandırimiz árbir sabaqta qyzmetke daıyndaǵan saıyn júktelgen jaýapkershilikti túsinip, tapsyrmalardy muqııat tyńdaımyz. Munarada turǵan bizge kóp nárse baılanysty, qyraǵylyǵymyz ben saqtyǵymyz arqyly artymyzda turǵan barlyq qaraýyl quramynyń jaýyngerleri, ıaǵnı kınolog maman, 1 jáne 2-beket, sonymen qatar qaraýyl bastyqtary áreket etedi. Qyzmetimde kóp zattyń tyıym salǵan aımaqqa ótip ketpeýine jol bermedim, tıisinshe áreket ettik. Bul – meniń qaraýyl qyzmetindegi basty mindetim», deıdi saqshy jaýynger E.Kelesbek.
Jas sarbaz sózinde áskerde ózin tek jaqsy jaǵynan shyńdaı bastaǵanyn, ýaqyt pen jaqyndarynyń qadirin túsingenin, er-azamat retinde Otan qorǵaýshy bolýǵa sheshim qabyldap, merzimdik qyzmetin kelisimshartpen jalǵastyratynyn aıtyp qaldy.
Malıka ShYNJIGITOVA,
aǵa leıtenant
Shymkent
