Jeńis kúnine arnalǵan merekelik konsert saǵat 11:00-de 28 gvardııashyl-panfılovshylar saıabaǵynyń alańynda ótedi. Qazaqstandyq ártister soǵystan keıingi jyldardaǵy maıdandaǵy jáne soǵystan keıingi ánderdi oryndaıdy.
Qalada B.Momyshulynyń monýmentine, T.Bıgeldınov, R.Qoshqarbaevtyń memorıaldyq taqtasyna, A.Moldaǵulova men M.Mámetovanyń, S.Nurmaǵambetovtyń eskertkishterine, S.Lýganskııdiń bıýstine, «Otan uldaryna máńgilik estelik» jáne «Otan úshin shaıqasta qaza tapqandarǵa máńgilik dańq» memorıaldaryna gúl shoqtaryn qoıý rásimi uıymdastyrylady.
Is-sharanyń qurmetti qonaqtary - Uly Otan soǵysynyń ardagerleri, tyl eńbekkerleri, qoǵam qaıratkerleri, áskerı qyzmetshiler.
Jeńis kúnin merekeleý Sh.Ýálıhanov atyndaǵy skverde jáne Jibek Joly-Panfılov kóshelerinde saǵat 11.00-den bastap ótedi. Konsertter «Almaty áýenderi» ártisteriniń, Abaı atyndaǵy QUOBT teatry solısteriniń, mýzykalyq toptardyń qatysýymen ótedi.
Sondaı-aq qala ákimdigi 50 myń «Jeńis lentasyn» taratady. Olardy 28 gvardııashyl-panfılovshylar saıabaǵynda, Ortalyq mádenıet jáne demalys saıabaqtarynda, merekelik is-sharalar ótetin basqa da jerlerde alýǵa bolady.
Mektepter men kolledjderde áskerı qyzmetshilerdi, ardagerlerdi, qatardaǵy azamattardy shaqyra otyryp, taqyryptyq «Erlik sabaqtary», sondaı-aq balalardy túrli qorǵanys túrlerimen tanystyrý boıynsha sabaqtar ótedi.
Mereke aıasynda onlaın formatta «Er esimi – el esinde» («Batyrlarǵa taǵzym») aksııa-sherý ótedi. Aksııa «Er esimi – el esinde» arnaıy platformasynda ótedi, onda qazaq batyrlary týraly aqparat alýǵa bolady.
Sondaı-aq Almaty qalasy ákiminiń, onyń orynbasarlary men aýdan ákimderiniń qatysýymen «Ardagerlerge taǵzym» qaıyrymdylyq aksııasy aıasynda úılerine baryp qyzmet kórsetiletin jáne medısınalyq-áleýmettik mekemelerdegi Uly Otan soǵysynyń qatysýshylaryn, múgedekterin jáne tyl eńbekkerlerin quttyqtaý josparlanǵan.
Jeńis kúnine arnalǵan saltanatty sharalar qalanyń barlyq aýdandarynda ótedi.
Alataý aýdany:
Ardagerler men jastardyń qatysýymen «Er esimi – el esinde» eskertkishine gúl shoqtaryn qoıý 7 mamyr kúni tańǵy saǵat 10:00-de Janqoja batyr kóshesi, 26 mekenjaıdaǵy aýdan ákimdigi ǵımaratynyń aldynda bolady. Jeńis kúni men Otan qorǵaýshylar kúnine arnalǵan merekelik is-shara 7 mamyrda saǵat 11:00-de Atletter aýylynda ótedi.
Almaly aýdany:
Uly Otan soǵysyndaǵy Jeńis kúnine arnalǵan konserttik baǵdarlama 9 mamyrda saǵat 11:00-de Á.Moldaǵulova men M.Mámetova atyndaǵy skverde ótedi.
Anyqtama telefony: Almasbek Qurmanǵalıev, Almaly aýdany ákimi apparaty mádenıet bóliminiń bas mamany, 8 701 794 77 37.
Áýezov aýdany:
Uly Otan soǵysyndaǵy Jeńis kúnine arnalǵan merekelik konsert 9 mamyrda saǵat 11:00-de Family Park demalys saıabaǵynda ótedi.
Jetisý aýdany:
Uly Otan soǵysyndaǵy Jeńis kúnine arnalǵan merekelik konsert 9 mamyrda saǵat 11:00-de «Gúlder» saıabaǵynda ótedi.
Naýryzbaı aýdany:
8 mamyr kúni saǵat 09:00-de «Máńgilik alaý» eskertkishiniń janynda, Taýsamaly shaǵyn aýdandaǵy Jandosov kóshesi, 2-de aýdan ákiminiń, UOS jáne Aýǵan soǵysy ardagerleriniń, tyl eńbekkerleriniń, Jeltoqsan oqıǵasy kúreskerleriniń qatysýymen gúl shoqtary qoıylady. Saǵat 11:00-den 14:00-ge deıin tórt ardager óz úılerinde aýdannyń atynan quttyqtalady, sondaı-aq olar úshin úrmeli aspaptar orkestrimen birge áskerı sherý uıymdastyrylady.
Jeńis kúnine arnalǵan «Erlik izi óshpeıdi» merekelik konserti 9 mamyr kúni saǵat 11:00-de aýdan ákimdigi ǵımaratynyń aldynda ótedi (Shuǵyla shaǵyn aýdany, 347).
Túrksib aýdany:
Jeńis kúnine arnalǵan merekelik is-shara 9 mamyrda saǵat 11:00-de S.Seıfýllın atyndaǵy saıabaqta ótedi.
