Mýzyka mektebiniń shyraqshysy

Ospan aǵamyzdyń meıirimdi júzi, sypaıy bolmysy, jyly jy­mıysy adamdy ózine tartyp tura­dy.­ Soǵan qarap, oǵan ustazdyq qa­sıet týmysynan daryǵan ba der­siz.­ Keıipkerimizdiń ómir jolyna úńil­sek,­ kóptegen derekke qanyq bolasyz.­ Ol bala kúninen ónerge ja­qyn bolyp ósti. Dombyra tartyp, án­ saldy. On eki jasynda oblystyq baı­qaýda top jaryp, «ónerli bala» atan­dy. Týǵan aýylyndaǵy segiz jyl­dyq mektepti aıaqtaǵannan keıin, jo­ǵary synypty – sol kezdegi Selı­nograd qalasyndaǵy jalǵyz qa­zaq mektebi qazirgi Jambyl Ja­baev­ atyndaǵy №4 orta mektepte jal­ǵastyrdy.

1967 jyly S.Seıfýllın atyn­da­ǵy Selınograd memlekettik peda­go­gıkalyq ınstıtýtynyń mýzyka fa­kýltetine oqýǵa tústi. Bul – tyń­ ıgerý naýqanynyń dúrkirep tur­ǵan shaǵy. Soltústik óńirlerge odaqtyń ár túkpirinen qonys aýda­rý­shylar lek-lek kelip jatty. Bir jaǵy, saıası naýqan jergilikti ha­lyq­qa úlken zardap ákeldi. Qazir ony­ ashyq aıtyp júrmiz ǵoı. Biraq ol­ kezde ashyq aıtý múmkin emes edi­. Tyń ıgerý jyldary kóptegen qa­zaq aýyly­ jer betinen joıyldy. Aýyl­men birge qazaq mektepteri de ja­byldy. Osy jaǵdaıǵa ultqa janashyr adamdardyń júregi aýyrdy. Olar naýqanǵa erip, aıqaılaǵan joq. Qaıta, halqymyzdyń tili men óneri, salt-dástúri shet qalmasyn dep jantalasty. Sol jyldary Selınogradtaǵy tórt joǵary oqý ornynda oqıtyn namysqoı qazaq jastary birigip, «Gúlder» atty qoǵam quryp, el arasynda ulttyq ónerimiz ben salt-dástúrimizdi nasıhattady. Birqatar mádenı is-sharalar ótkizdi. Osy qoǵamnyń basy-qasynda Ospan aǵa da júrdi. Keıin oblystyq komsomol komıteti atalǵan qoǵamnyń uıymdastyrýshylaryn shaqyryp, olarǵa «bul ultshyl uıym, eger toqtatpasańyzdar sońy jaqsy bolmaıdy», dep eskertedi. Sóıtip, eki jyl qazaq jastaryna rýhanı­ de­meý bolǵan uıym jumysyn toq­­tatty. Biraq keıipkerimiz maq­sa­ty­nan­ aınyǵan joq.

Ospan Súleımenuly sana­ly­ ǵumyryn ustazdyq jolǵa ar­na­dy. Alǵashqy eńbek joly tý­ǵan­ aýylyndaǵy orta mektepte bas­taldy.Odan keıin oblystyq oqý bóliminiń joldamasymen Qor­ǵal­jyn aýdanyndaǵy balalar­ mý­­zyka mektebine aýysty. Onda jet­kin­shek­terge dombyra úıretti. Keıin Qor­ǵaljyn aýdandyq mádenıet bóli­min basqarǵan jyldary týǵan jeri­niń ónerin damytýǵa qomaqty úles qosty. El ishindegi talanttardy jınap, ult aspaptar orkestrin qur­dy. Onyń uıymdastyrýshylyq qabiletin baıqaǵan oblystyq má­denıet bó­limi ony oblys orta­ly­ǵy­na shaqyryp, qazaq ult orkestrin uıym­dastyrýdy tapsyrdy. Bul min­det­ti de oıdaǵydaı atqaryp shyqty.

Jalpy, Ospan aǵa tabıǵatynan sypaıy jan. Eshkimge keýdesin kerip, maqtanbaıdy. Áıtpese, onyń Aqmoladaǵy alǵashqy qazaq mýzyka mektebiniń irgetasyn qalaǵan azamat ekenin kópshilik bile bermeıdi. 1990 jyly Qyzylorda qalasynda «Elim-aı» baǵdarlamasy bo­ıyn­­sha respýblıkalyq ǵylymı-táji­rı­belik konferensııa ótedi. Oǵan Selı­nogradtan Ospan Súleımenuly bara­dy. Semınarǵa sol kezdegi Bilim mınıstriniń orynbasary Shám­sha Berkimbaeva qatysyp, ár óńir­den kelgen muǵa­limdermen áńgi­me­lesedi. Sol kezdesýde Ospan aǵa­myz mınıstrdiń orynbasaryna ózin uzaq jyldar boıy mazalap júr­gen «Aqmoladan qazaq mýzyka mek­tebi ashylsa» degen usynysyn aıta­dy. Bul usynysty birden qup­ta­ǵan Shámsha Kópbaıqyzy ony Al­matyǵa qabyldaýyna shaqyrdy. Ospan aǵamyz Syr boıynan kelgen­nen­ keıin Almatyǵa jol tartyp, Sh.Berkimbaevaǵa barady. Ol ki­­si­ «qazaqtyń óneri» dep jany kú­ıip júrgen azamatty jyly qa­byl­dap, sol mezette oblystyq bilim basqarmasynyń basshysyna­ qońyraý shalady. Sóıtip, áp-sátte­ mýzyka mektebiniń taǵdyry she­shil­di. Bilim basqarmasy oǵan Jam­byl Jabaev atyndaǵy №4 orta mektebiniń eki qabattyq eski ǵıma­ratyn berdi. Oǵan sol kezdegi Aqmola qalasynyń ákimi, marqum Aman­jol Bólekpaev kóp qoldaý kór­setti. Ǵımaratty tolyqtaı jón­deýge jáne qajetti mýzykalyq aspap­tar satyp alýǵa qarjy bóldi. Sóıtip, 1991 jyldyń qyrkúıeginde Aqmoladaǵy alǵashqy qazaq mýzyka mektebi ónerli balalarǵa esigin aıqara ashty. Onyń birinshi dırektory da ózi boldy.

Ásirese Ospan Súleımenuly elordadaǵy №2 balalar mýzyka mektebin basqarǵan jyldary, atalǵan óner ordasynyń aty dúrkirep shyqty. 2010 jyly mektep órenderinen quralǵan ansambl Birikken Arab Ámirlikterine óner saparymen baryp, qazaqtyń án-kúıin shalqytty. Sondaı-aq mýzyka mektebiniń 24 oqýshysy Fransııada otyz kún boıy halyqaralyq baıqaýda baq synap, elimizdiń abyroıyn asyrdy. Ulaǵatty ustazdyń birqatar shákirtteri respýblıkalyq «Abaı», «Shákárim», «Muqaǵalı» oqýlarynda top jardy. Onyń tálimgerlik tájirıbesi – jastarǵa úlgi. О́zi aqyn, ózi sazger, ózi kúıshi, ózi sýretshi. Bir basyna san taraý óner toǵysqan. Bir kisideı aqyndyǵy da bar. On shaqty kitaptyń avtory. О́ner taqyrybyna jazǵan maqalalary merzimdi baspasózde jıi jarııalanady. Qazir de Ospan aǵamyzdy bas qaladaǵy jastarǵa ulttyq qundylyqtarymyzdy nasıhattaýǵa arnalǵan is-sharalardyń bel ortasynan kóremiz. Bul da ulttyq ustanymynan aınymaǵan azamattyń bir qyryn kórsetedi.