Búgin saǵat 15:00-de bastalatyn kúndizgi sessııada Aslanbek Shymbergenov (71 keli) A rınginde Izraıl sportshysy Mıroslav Kapýlerom-Ishenkomen kezdesedi. Al Nurbek Oralbaı (80 keli) B rınginde túrkııalyq Kaan Aıkýtsýnmen judyryqtasady.
Sondaı-aq 19:00-de bastalatyn keshki sessııada A rınginde qazaqstandyq úsh boksshy sharshy alańǵa shyǵady. Birinshi jupta Mahmýd Sabyrhan (54 keli) úndistandyq Sachın Sıvachpen, jetinshi jupta Dýlat Bekbaýov (67 keli) úndistandyq taǵy bir boksshy Akash Sangvanmen kezdesedi. On ekinshi jupta Nurqanat Raıys (75 keli) brazılııalyq Vanderleı Pereıramen judyryqtasady.
Eske sala keteıik, keshe Sanjar Táshkenbaı ózbekstandyq boksshyny nokdaýnmen jeńgen edi.
