«Qurmetti qazaqstandyqtar! Sizderdi uly Jeńis kúnimen shyn júrekten quttyqtaımyn! Bul – biz úshin asa mańyzdy ári aıtýly kún. Jer betine beıbit ómir syılaǵan qasterli kúnniń jyl saıyn tarıh qoınaýyna tereńdep bara jatqanyna qaramastan, sol surapyl soǵystaǵy jeńistiń tarıhı mańyzyn biz eshqashan umytpaımyz.
О́kinishke qaraı, qan maıdanda kózsiz qaharmandyqtyń úlgisin kórsetken aǵa býyn ardagerlerimizdiń qatary sırep barady. Olardyń janqııarlyq erlikterin mereke kúnderi ǵana emes, udaıy el jadynda ustaǵan abzal. О́skeleń urpaq ótkennen taǵylym alýǵa tıis. Al memleket ardagerlerdi qoldaý úshin qoldan kelgenniń bárin jasamaq.
Ár kezeńniń óz sabaǵy bar, alaıda keıingi urpaq qaıǵy men qasirettiń ne ekenin bilmesin. Soǵys ardagerleri men tyl eńbekkerleriniń erlikterine taǵzym etemin!Elimiz ári qaraı órkendeı bersin, ár otbasyǵa beıbit ómir jáne amandyq tileımin!», delingen quttyqtaýda.
