Atyraý sýpermarketteriniń «Turaqtandyrý qory ónimderi» bólimderinde nan baǵasy kóterildi. Buryn ol 81 teńge bolsa, qazir bir bólke 91 teńgege satylady.
«Atyraý» ÁKK baspasóz qyzmeti áleýmettik nan baǵasynyń kúrt ósýine qatysty birqatar túsinikteme berdi. Birinshiden, «Jelaev» JShS un tartatyn zaýyty birinshi surypty unnyń baǵasyn (1 kelisi úshin) 155 teńgeden 165 teńgege deıin, al un jetkizýshi «KARAT» JShS 145 teńgeden 155 teńgege deıin kótergeni sebep ekeni aıtyldy. Naýbaıhanalar birinshi surypty unnyń qymbattaýyna, elektr energııasynyń, kommýnaldyq qyzmetter baǵasynyń, janar-jaǵarmaıdyń qymbattaýyna jáne jumysshylardyń jalaqysy ósýine baılanysty nan baǵasyn kótergen. Qazir birinshi surypty unnan jasalǵan nan 83 teńgeden jetkizilýde. ÁKK baspasóz qyzmeti baǵanyń ósýine qaramastan, oblystyq turaqtandyrý qory bólimderinde nan baǵasy áli de bolsa basqa dúkenderdegi ortasha baǵadan tómen ekenin atap ótti. Mundaǵy aıyrmashylyq bir bólke nan úshin 30 teńgege jetedi.
Qazaqstanda azyq-túlik baǵasynyń turaqsyzdyǵy baıqalyp otyr. Keıbir aımaqtarda azyq-túlik baǵasy qymbattasa, keıbir jerlerde kerisinshe arzandap jatyr.
Arýjan NAǴAShYBAI,
L.N.Gýmılev atyndaǵy EUÝ stýdenti
