Alǵashqy qarsylasymyz – Norvegııa

V tobynda óner kórsetetin Qazaqstan quramasy alǵashqy kezdesýin 13 mamyrda Norvegııamen ótkizedi. Odan keıin Chehııa (14 mamyr), Shveısarııa (16 mamyr), Kanada (17 mamyr), Slovakııa (19 mamyr), Latvııa (20 mamyr) jáne Slovenııamen (22 mamyr) sa­ıysqa túsedi. Osy toptaǵy oıyndardyń bar­lyǵy da Latvııanyń astanasyndaǵy

10 300 kórermenge eseptelgen «Arena Rı­gada» ótedi. Al A tobynda Fınlıandııa, AQSh, Shve­sııa, Germanııa, Danııa, Fransııa, Aýs­trııa jáne Majarstan hokkeıshileri sheber­lik baıqasady. Olar Tamperedegi «Nokıa Are­nada» baq synaıdy.

Toptyq týrnır 23 mamyrda óz máresine jetedi. Sodan keıin úzdik segiz komanda pleı-off kezeńinde jolyǵady. Shırek fınaldyq saıystar 25 mamyrda ótse, eki kúnnen keıin jartylaı fınaldy tamashalaımyz. Al 28 mamyrda jarys jeńimpazy men júldegerleri anyqtalady.

Esterińizge sala keteıik, byltyr da álem chem­pıonatynyń jalaýy Fınlıandııada jel­biregen edi. Ol kezde básekeler Helsınkı men Tamperede ótti. Chempıonattyń qory­tyndysy boıynsha bas júlde jarys qojaıyndaryna buıyrdy. Sýomı eliniń ókilderi fınalda Kanadany 4:3 esebimen utty. Qola medal úshin tartysta Chehııa AQSh-ty 8:4 esebimen jeńdi. Sol dúbirli dodada Qa­zaqstan óz tobynda jetinshi jáne jalpy esepte 14-satyny qanaǵat tutyp, elıtaly top­taǵy ornyn saqtap qalǵan edi.