Oblystyq aýrýhananyń habarlaýynsha, jumysshylardyń biri opyrylǵan úıindiniń astynda qalyp, qaıtys bolǵan. Taǵy ekeýi jedel járdemmen aýrýhanaǵa jetkizilgen. Zardap shekkenderdiń biriniń aıaǵy synǵan, ekinshisi dárigerlerge qaralyp jatyr. Ekeýiniń de jaǵdaıy turaqty.
Kýágerlerdiń aıtýynsha, olar eski qalqany aýystyrmaq bolǵan turǵyn úı sharýashylyǵynyń qyzmetkerleri bolǵan.
«О́kinishke qaraı, bir adam qaıtys boldy, ekeýi jaraqat alyp, aýrýhanaǵa jetkizildi. Úsheýi de Tatıana PKSK-ǵa qyzmet etken «Nesibe mol» servıstik kompanııasynyń qyzmetkerleri. Marqumnyń otbasyna qaıǵylaryna ortaqtasyp kóńil aıtamyz», dedi Aqtaý ákimdiginiń baspasóz qyzmeti.
Sondaı-aq vedomstvo oqıǵanyń mán-jaıy anyqtalyp jatqanyn, oqıǵa ornynda tergeýshiler men tótenshe jaǵdaılar qyzmetiniń qyzmetkerleri jumys istep jatqanyn atap ótti.
