Qazaqstan tennıs federasııasynyń málimetinshe, qazaqstandyqtar shırek fınalda álemdegi úzdik quramalardyń biri - Aýstralııany utty.
Aldymen Zańǵar Nurlanuly Lahlan Makfadzendi 5:7, 6:3, 6:1 esebimen tize búktirdi. Sodan keıin Ámir Omarhanov Djeık Dembony jeńdi - 6:2, 6:3.
Osylaısha, 16 jasqa deıingiler arasynda kúzde Ispanııanyń Kordoba qalasynda ótetin komandalyq álem chempıonatynda Qazaqstannan qyzdarmen qatar uldar quramasy da alǵash ret óner kórsetedi.
Erteń Ońtústik Koreıamen ótetin jartylaı fınaldyq match eshteńeni sheshpeıdi. О́ıtkeni Qazaqstan, Ońtústik Koreıa jáne Japonııa álem chempıonatyna joldama aldy. Tórtinshi joldama ıesi О́zbekstan men Taıland arasyndaǵy kezdesýde anyqtalady.
