Birer kún buryn paıdalanýǵa berilgen oıyn alańqaıy ortalyqtaǵy kóshe balalarynyń ıgiligine aınaldy. Mundaı nysandar oblys ortalyǵynda aldaǵy ýaqytta da tolassyz salyna bermek. О́ıtkeni ıgi iske janashyr demeýshiler jetkilikti.
«Balalardyń qýanyshyn kórgennen asqan baqyt joq shyǵar. «Tarazstroı-2004» jaýapkershiligi shekteýli seriktestigi balalarymyzǵa arnap, sporttyq jáne oıyn alańqaıyn tartý etip otyr. Bul bizdiń súıikti qalamyzdyń kishkentaı turǵyndary úshin úlken syı boldy. Qala ákimdiginiń usynysyna qoldaý bildirip, alǵash bolyp iske kirisken «Tarazstroı-2004» JShS basshylaryna myń alǵys. Osy oraıda qalamyzdaǵy iri kásipkerler, atymtaı jomart azamattar «Tarazstroı-2004» seriktestiginen úlgi alyp, shahar turǵyndarynyń ıgiligine jaraıtyn nysandar salsa degen tilek bar», deıdi Taraz qalasynyń ákimi Baqytjan Orynbekov.
Jańadan paıdalanýǵa berilgen alańqaıda shaǵyn atraksıondar, átkenshekter bar. Sondaı-aq balalardyń jaraqat almaýy úshin arnaıy jumsaq materıal tóselgen. Qysqasy búldirshinderdiń alańsyz oınaýy úshin barlyq múmkindik qarastyrylǵan.
«Qazaq halqy «Ýáde – Qudaı sózi» degendi tekke aıtpaǵan ǵoı. Biz óz mindetimizge alǵan balalarǵa arnalǵan oıyn alańqaıyn mejelengen ýaqytta tapsyryp otyrmyz. Eń bastysy sózimizde turdyq», deıdi «Tarazstroı-2004» JShS basshysynyń orynbasary Mádı Izenbaev.
Taraz
