1-2 jyl kóleminde shtattan tys kitap redaktorlary men korrektorlardyń kópshiligi jumyssyz qalýy múmkin. Sebebi olar atqaratyn isterdi jasandy ıntellekt isteı alady. Árıne, bul - aǵylshyn tilindegi ChatGPT-diń múmkindigi. Qazaq tilindegi qosymshalar da qarqyndy damıtyn bolsa, bul qyzmet qoljetimdi bolmaq.
Korrektorlyq jumysta ChatGPT-diń múmkindigin paıdalanyp, tekserip kórgender onyń adamnan áldeqaıda tıimdi ári qatesiz jumys isteıtinin anyqtaǵan.
Degenmen, birinshi ret qoldanǵanda jasandy ıntellektiń qatelesken tustary bolǵan. Biraq,«korrektor retinde áreket etińiz jáne osy qoljazbany Chıkagodaǵy stıl nusqaýlyǵyna sáıkes óńdeńiz. Tynys belgilerine, grammatıkaǵa, sıntaksıske, terýlerge, bas áripterge, pishimdeýge jáne rettilikke nazar aýdaryńyz», dep suranysty naqty jazý arqyly qaıta túzetkende eshbir qatelik bolmaǵan.
