«Jazýshylar odaǵy - qazaq rýhanııatynyń qara shańyraǵy, ult zııalylarynyń basyn qosqan biregeı qurylym. Ǵasyrǵa jýyq tarıhy bar uıymda tól mádenıetimizdiń damýyna erekshe eńbek sińirgen birtýar tulǵalarymyzdyń izi qalǵan. Jańa tolqyn sol ulylarymyzdyń ulaǵatty jolyn laıyqty jalǵastyryp keledi.
…Qalam - kıeli qundylyq. Sóz qudireti halyqty ydyrata da, biriktire de alady. Biz qazirgi jahandaný dáýirinde ózge órkenıetterge jutylyp ketpeı, egemen el ári derbes ult retinde saqtalýdyń qamyn oılaýymyz kerek. Sondyqtan barsha qalamgerlerimizdiń birlikti tý etip, el múddesi jolynda ultty uıystyrýǵa adal qyzmet etýi óte mańyzdy.
Búgingi alqaly jıynda salmaqty oı, salıqaly pikir aıtylyp, sóz zergerleriniń shyǵarmashylyǵyna tyń serpin beretin jańa úrdisterge jol ashylady dep senemin», dep jazylǵan quttyqtaý hatta.
Sondaı-aq Memleket basshysy búgingi jıynda sóz ustaǵan qaýym keleli oı, salmaqty pikir aıtady degen úmit bildirgen.
«Ádette «Ádebıet - ádepten bastalady» degen qanatty sóz bar. Qalamger qaýymy kópten kútken quryltaıdyń ádep pen ádilettiń, paıym men parasattyń, birlik pen bátýaly baılamnyń basalqaly bas qosýy bolady dep senemiz. Quryltaı jumysyna sáttilik tileımin!», dep jazdy mınıstr óziniń Facebook paraqshasynda.
Aıta keteıik, búgin Almatyda Jazýshylar odaǵynyń HVI quryltaıy ótip jatyr.
