Boksshylardyń bıigi júldemen ólshenedi

Almatyda bokstan eresekter arasynda ótken Qazaqstan Respýblıkasy Prezıdentiniń Kýbogy IV halyqaralyq týrnırinde Qazaqstan quramasy 7 altyn, 4 kúmis jáne 6 qola medal ıelenip, komandalyq esepte týrnır jeńimpazy atandy. Bul básekede bizdiń boksshylar arasynda alǵashqy júldeni 49 kılo salmaq dárejesinde kúsh synasqan Birjan Jaqypov jeńip aldy. Ol  fınalda ózbekstandyq Hasanbaı Dýsmatovpen  kezdesip, qarsylasyn 2:1 esebimen utty. Sóıtip, Birjan osy jeńisinen keıin týrnırdiń úsh dúrkin jeńimpazy atandy. Kelesi 52 kılo salmaq dárejesinde Ilııas Súleımenov qola júldeni qanaǵat tutty. Al fınaldyq aıqas fılıppındik Reı Salýdar men ózbekstandyq boks­shy Shahobıddın Zoırovtyń arasynda ótti. Bul kezdesýde sońǵysynyń mereıi ústem boldy. О́zbek boks­shysy úsh raýnd boıy qarsylasyna qaraǵanda jaqsy óner kórsetip, sońǵysynda, tipti, bas kóterýge múmkindik bermedi. Esep – 2:1 Zoırovtyń paıdasynda. Osylaısha, О́zbekstan quramasy 1 altyn, 1 kúmis, 4 qola medalǵa ıe boldy. 56 kılo salmaqtaǵy boksshylardyń fınaldyq aıqasy ta qyzyqty jáne tartys­ty ótti. Bul jekpe-jekke bizdiń boksshylar shyqty.  23 jastaǵy Qaırat Erálıev pen 20 jastaǵy Janbolat Tilegenuly ekeýi ózara myqtyny anyq­tady. Kezdesýde Qaırat óziniń tájirıbesin kórsetip, otandasynan aılasyn asyryp ketti. Qorytyndy esep – 3:0. Qaırat ózi kópten beri kútken altyn medaldi ıelendi. 60 kıloda  áskerı qyzmetshiler ara­syndaǵy álem chempıony Berik Ábdirahmanov fılıppındik Charlı Sýares­pen qolǵap túıistirdi. Bul kezdesýde Berik bir ret nokdaýnǵa túsip qaldy. Biraq artynsha ózine ózi tez kelip, namysqa tyrysyp, fılıppındikten 2:1 esebimen basym tústi. 64 kıloda bizdiń boksshylar fınalǵa shyqqan joq. Bul salmaqta  taılandyq Výttıchaı Masýk kýbalyq Lýıs Olıva Genermen kezdesip, 2:1 esebimen jeńiske jetti. Al 69 kıloda birinshi nómirli komandanyń boksshysy Danııar Eleýsinov Qazaqstan quramasynyń úshinshi nómirli komandasynyń ókili Saǵadat Rahmanqulovpen kezdesti. Bokstan 2013 jylǵy álem chempıony óz tájirıbesiniń arqasynda Saǵadattan 3:0 esebimen basym tústi. Kelesi, 75 kılo salmaq dárejesinde taǵy bir 2013 jylǵy álem chempıony Jánibek Álimhanuly ýkraınalyq Dmıtrıı Mıtrofanovpen kezdesken bolatyn. Bul aıqasta Jánibek ýkraınalyq boksshynyń belsendiliginiń arqasynda jeńdi dese bolady. Esep – 3:0. 81 kılo salmaqtaǵy boksshylar kezdesýine taǵy da otandastarymyz shyqty. Onda Olımpıadanyń kúmis júldegeri Ádilbek Nııazymbetov Dáýren Eleýsinovpen qolǵap túıistirdi. Bul jekpe-jekte Ádilbek Danııar Eleýsinovtiń aǵasyn 3:0 esebimen tize búktirdi. Sóıtip, biraz ýaqyt boıy kóptegen jarystarda únemi kúmis medal alyp, altyn júldeni ala almaı kele jatqan Nııazymbetov jeńimpaz atandy. 91 kıloda Anton Pınchýk kýbalyq boksshy Lýıs Kordova Herıhten jeńilip qaldy. Basqa aıtar sózimiz joq. Bul aıqasta «Bostandyq eliniń» boksshysy barlyq jaǵynan myqty ekenin kórsetti. Al eń aýyr salmaq dárejesinde (+91 kg) Ivan Dychko Pınchýktiń esesin qaıtaryp aldy. Ol kýbalyq boksshy Iorandı Toıraka Ortegany  3:0 esebimen utty. Úshinshi raýnd­ta qarsylasyn bir ret nokdaýnǵa da jiberip úlgerdi. Qoryta aıtqanda, atalǵan týrnır Jazǵy Azııa oıyndaryna ulttyq quramany pysyqtap, irikteý esebinde ótti. Endi bas jattyqtyrýshy Myr­zaǵalı Aıtjanovtyń komandasy 19 qyrkúıek pen 4 qazan aralyǵynda Koreıanyń Inchhon qalasynda ótetin Azııadaǵa daıyndyǵyn odan ári jalǵastyrady. Sodan keıin kóp uzamaı komanda Azııa oıyndaryna baratyn boksshylardyń tizimin jarııalaıdy. Dastan KENJALIN, «Egemen Qazaqstan».