Qalamger-jýrnalıst Mereke Ábdeshuly Qulkenov 1951 jyly 8 qarashada Atyraý oblysy, Qyzylqoǵa aýdany, Qarabaý aýylynda týǵan. Qazaqstannyń eńbek sińirgen qyzmetkeri, Qazaqstan Jazýshylar odaǵynyń múshesi, Almaty qalalyq máslıhatynyń depýtaty. Qazaqstan Respýblıkasy Prezıdenti syılyǵynyń laýreaty.
S.M.Kırov atyndaǵy Qazaq memlekettik ýnıversıtetiniń (qazirgi ál-Farabı atyndaǵy Qazaq ulttyq ýnıversıteti) jýrnalıstıka fakýltetin bitirgen (1978). Birneshe kitaptyń avtory. Solardyń biri — Rahymjan Otarbaevpen birlesip jazǵan «Bas» dramasy úshin Mádenıet mınıstrligi jarııalaǵan «Báıterek» respýblıkalyq baıkaýynda ekinshi júldege ıe boldy (2004 j.).
1970 jyly áskerı boryshyn ótep kelgennen keıin 1971 — 1973 jyldary Qazaqstan Kompartııasy Ortalyq Komıtetiniń gazet-jýrnal baspasy baspahanasynda baspagerdiń kómekshisi boldy. Ýnıversıtetti bitirgen soń buqaralyq aqparat quraldarynda («Qazaqstan pıoneri» gazeti, Qazaqstan telearnasy, «Pıoner» jýrnaly, Qazaq ádebıeti (gazet)) tilshi,
1993-1997 jyldar aralyǵynda «Jalyn» respýblıkalyq qoǵamdyq-ádebı jýrnalynyń bas redaktory,
1997 jyldan beri «Ana tili» respýblıkalyq gazetiniń, 2000 jyldan osy ýaqytqa deıin «Tań-Sholpan» ádebı-kórkem, kópshilik jýrnalynyń bas redaktory,
1991 jyldan qazirgi kúnge deıin «О́lke» baspasynyń bas dırektory bolyp eńbek etip keledi.
«Qurmet» ordenimen, ulttyq jýrnalıstik syılyq «Altyn juldyz» t.b. birneshe medaldarmen marapattalǵan. О́zi basshylyq etip otyrǵan «Ana tili» gazeti «respýblıkalyq úzdik gazet» ataǵyna ıe boldy.
Sondaı-aq tóraǵanyń birinshi orynbasary bolyp Nurjan Qýantaı, ekinshi orynbasary Baýyrjan Jaqyp, úshinshi orynbasary Qasymhan Begmanov, tórtinshi orynbasary Ǵalym Qalıbek, besinshi orynbasary bolyp Beıbit Sarybaı saılandy.
Aıta keteıik, búgin Almatyda Jazýshylar odaǵynyń HVI quryltaıy ótip jatyr. Quryltaıǵa Jazýshylar odaǵynyń basqarma múshelerimen qatar, elimizdiń barlyq óńirlerindegi músheleri, fılıal dırektorlary qatysýda. Sonymen qatar alys-jaqyn shet elderden qurmetti qonaqtar, elimizdiń óner men ǵylym qaıratkerleri shaqyryldy.
Bes jylda bir ret ótetin jıynda Aqparat jáne qoǵamdyq damý mınıstri Darhan Qydyráli Memleket basshysy Qasym-Jomart Toqaevtyń jazýshylarǵa quttyqtaýyn jetkizdi.
