Bir jarym gektar aýmaqty alyp jatqan stansa paıdalanýǵa berilgen alǵashqy jylda 1,88 mln kVt/s elektr energııasyn óndiredi dep kútilýde. Biraq bul oblys ortalyǵyndaǵy elektr suranysynyń nebári 10 paıyzyn ǵana qanaǵattandyrady. Sondyqtan jergilikti bılik energııanyń balamaly kózderin odan ári damytý úshin taǵy birneshe jobany qolǵa almaq.
– Biz birtindep energııanyń balama kózderine, ıaǵnı, jasyl energııaǵa nazar aýdaratyn bolamyz. Sonyń bir dáleli, Kún stansasynan bólek, endi jel qýatyn da paıdalanýdy kózdep otyrmyz. Jezqazǵan – Sátbaev qalalarynyń ortasynan qýaty 200 MVt jel elektr stansasyn salý jobasy daıyn. Bul jobanyń qurylysyna bir mezgilde 250 jumys kúshi tartylatyn bolady, deıdi Ulytaý oblysy energetıka jáne turǵyn úı-kommýnaldy sharýashylyǵy basqarmasynyń basshysy Almaz Jandarbekov.
Kúnge de, jelge de jerimizde zárýlik joq. Endeshe, olardyń qýatyn adam múddesine baǵyttaýdy oılastyrǵan jobalarǵa tek qana sáttilik bolsyn.
Ulytaý oblysy,
Jezqazǵan qalasy
